[Painting by Donald Zolan]
અલવિદા ૨૦૧૮. સૌ વાચકમિત્રોને ઈસુના નવા વર્ષની શુભેચ્છાઓ.
*
લાગણીના કાન કાચા હોય છે,
આંખના અખબાર સાચા હોય છે.
પ્રેમમાં શબ્દો જરૂરી તો નથી,
મૌન પણ ક્યારેક વાચા હોય છે.
જન્મથી મૃત્યુને જોડે જિંદગી,
સીધ રેખામાંય ખાંચા હોય છે.
કાળથી જીતી ગયેલા સ્તંભના,
લોહથી મજબૂત ઢાંચા હોય છે.
જૂજ વ્યક્તિઓને શોભે મુખકમળ,
બાકીના લોકોને ડાચા હોય છે.
સુખ ‘મિસ્ટર ઈન્ડિયા’ જેવું બધે,
દુઃખ ‘ચાતક’ હાવ હાચા હોય છે.
– © દક્ષેશ કોન્ટ્રાકટર ‘ચાતક’
8 Comments