Press "Enter" to skip to content

ઉત્તરવહી ખેંચાઈ ગઈ!


[Painting by Donald Zolan]
સહુ વાચકમિત્રોને ઈસુના નવા વર્ષની શુભકામનાઓ.
*
કેશની મહેંદી અમસ્તી હાથમાં મુકાઈ ગઈ !
કેટલા વરસોની ખાઈ ક્ષણમહીં પુરાઈ ગઈ !

વેચવા હું તો ગયો તો ફક્ત ત્યાં મારી કલા,
જોતજોતામાં જુઓને, જાત પણ વેચાઈ ગઈ !

કેમ છો? એ પ્રશ્નના ઉત્તરમાં જોયું પણ નહીં,
ભરબજારે લોક વચ્ચે લાગણી રહેંસાઈ ગઈ !

શ્વાસ લેવા બે ઘડી ઈતિહાસ જ્યાં ઊભો રહ્યો,
એટલામાં તો સદીના વારતા વંચાઈ ગઈ !

મારી સાથે કેમ તું સ્પર્ધા કરે છે આ રીતે?
આંખમાં આંસુને જોઈ આગ છંછેડાઈ ગઈ.

થઈ શક્યો બે-ચાર ડૂમાનો જ તરજુમો અહીં,
સેંકડો ચીસોને ઘરની સભ્યતાઓ ખાઈ ગઈ.

આ ગઝલમાં વાત તો કરવી હતી એક પળ વિશે,
એ ખબર પણ ના પડી કે જિંદગી ચર્ચાઈ ગઈ !

પ્રશ્ન જીવનનો હતો અઘરો, સમજતાં વાર થઈ,
ને લખું ઉત્તર હું ત્યાં ઉત્તરવહી ખેંચાઈ ગઈ !

– © દક્ષેશ કોન્ટ્રાકટર ‘ચાતક’

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.