Press "Enter" to skip to content

જખમ આપિયા છે


[Painting by Donald Zolan]
અલવિદા ૨૦૨૦. સ્વાગત ૨૦૨૧.
સૌ મિત્રોને ઈસુના નવા વર્ષની શુભકામનાઓ.
*
બહુ ખુબસુરત ભરમ આપિયા છે,
મને જિંદગીએ જખમ આપિયા છે.

પ્રથમ દર્દ દીધું દવા આપનારે,
પછી એને માટે મલમ આપિયા છે.

મળી ભાગ્યરેખાને નામે તિરાડો,
સહારા ય કેવાં નરમ આપિયા છે !

દિશાઓ, ન મંઝિલ; ઉતારા, ન સાથી,
ફકત ચાલવાને કદમ આપિયા છે.

હશે કેવી જાહોજલાલી પ્રણયમાં !
કે પીવાને અશ્રુ ગરમ આપિયા છે.

દીધી બે જ આંખો અને લાખ સપનાં,
ને ઊપરથી ટૂંકા જનમ આપિયા છે.

લખ્યું નામ મક્તામાં ‘ચાતક’ અમસ્તુ,
હકીકતમાં કાગળ, કલમ આપિયા છે.

– © દક્ષેશ કોન્ટ્રાકટર ‘ચાતક’
*
નોંધ – રદિફમાં આપ્યા-આપિયા (ગાલગા) લીધેલું છે.

6 Comments

  1. Anila patel
    Anila patel January 1, 2021

    નવા વર્ષના હાર્દિક અભિનંદન.
    મસ્ત કાવ્ય.

    • admin
      admin January 1, 2021

      Thank you for liking.
      Happy 2021.
      🙂

  2. અશોક જાની 'આનંદ'
    અશોક જાની 'આનંદ' January 1, 2021

    સરસ ગઝલ… તકતી ન સમજાઈ… ઉલા સાનીમાં અલગ છે..??

    • admin
      admin January 1, 2021

      અશોકભાઈ,
      કુશળ હશો.
      તક્તી તો લગાગા ના ચાર આવર્તન જ છે. તમને અવઢવ થવાનું કારણ રદિફમાં -આપિયા- લખવાને બદલે -આપ્યા- લખ્યું છે તે હશે. પઠન કરવામાં કે ગાવામાં આપિયા (ગાલગા) લેતાં તક્તી બરાબર લાગશે. સામાન્ય રીતે લખવામાં આપિયા નથી લખાતું પણ આપ્યા લખાય છે એથી મેં એ રીતે મૂક્યું છે.
      પ્રતિભાવ બદલ આભાર.

  3. Kishore Modi
    Kishore Modi January 4, 2021

    સરસ ગઝલ કંઈક આપે પંણ અધૂરપ પણ દેખા દે માનવી હતાશ થાય પણ સંતોષનામ અમૃતમ્….

  4. નીરવ બારૈયા
    નીરવ બારૈયા February 19, 2021

    વિનંતી છે કે તમે કોવિદ-૧૯ ની અસર અને ત્યારબાદ પર એક નાનકડી કવિતા બનાવો.

Your email address will not be published. Required fields are marked *

This site uses Akismet to reduce spam. Learn how your comment data is processed.