Press "Enter" to skip to content

સમંદર યાદ આવે છે


[Painting by Donald Zolan]
*
રખડતી રેત જોઈને સમંદર યાદ આવે છે,
નદીનાં હેત જોઈને સમંદર યાદ આવે છે.

હથેળીનાં મુલાયમ શહેરમાં ભૂલો પડું ત્યારે
સમયનાં પ્રેત જોઈને સમંદર યાદ આવે છે.

હવાના દીર્ઘ આલિંગન પછી થથરેલ ફુલોમાં,
પ્રણય સંકેત જોઈને સમંદર યાદ આવે છે.

મીંચાતી આંખ, ભીના હોઠ, બળતાં શ્વાસના જંગલ,
લિબાસો શ્વેત જોઈને સમંદર યાદ આવે છે.

સુશીતલ ચાંદનીમાં ભડભડે હૈયે અગન ‘ચાતક’,
ક્ષણો અનપેત જોઈને સમંદર યાદ આવે છે.

– © દક્ષેશ કોન્ટ્રાકટર ‘ચાતક’

2 Comments

  1. અશોક જાની 'આનંદ'
    અશોક જાની 'આનંદ' December 24, 2019

    સુંદર ગઝલ… !!
    દ્વૈત્મા કાફિયો તુટે છે…

    • admin
      admin March 10, 2020

      અશોકભાઈ,
      છેલ્લા શેરમાં કાફિયા બદલ્યો છે. સૂચન બદલ આભાર.

Leave a Reply to અશોક જાની 'આનંદ' Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.