Press "Enter" to skip to content

સુષુમ્ણામાં રાખો


મિતીક્ષા.કોમના સૌ વાચકમિત્રોને દિપાવલી અને નૂતન વર્ષની શુભેચ્છાઓ.
*
હકીકતને હોવાની ભ્રમણામાં રાખો,
બધી કલ્પનાઓને શમણાંમાં રાખો.

ઈડા પિંગલાની રમત રાતદિન છે,
કદી શ્વાસને પણ સુષુમ્ણામાં રાખો.

જે બેઠા છે એને અચલ બેસવા દો,
તમીજ એટલી તો ઉઠમણામાં રાખો.

ભલે હોય અંધાર ચારે તરફ પણ,
શ્રદ્ધાની બારી ઉગમણામાં રાખો.

ને સુખ જિંદગીમાં છલકતું હો ત્યારે
નજર આવનારી વિટમણામાં રાખો.

તમે બુદ્ધ બનવાને નીકળ્યા છો ‘ચાતક’,
પછી ધ્યાન શા માટે શ્રમણામાં રાખો ?

– © દક્ષેશ કોન્ટ્રાકટર ‘ચાતક’

* સુષુમ્ણા – સુષમણા, યોગશાસ્ત્ર પ્રમાણે ત્રણ માંહેની વચલી પ્રધાન નાડી; નાકની વાટે નીકળતો શ્વાસ ડાબો જમણો ન જતાં સમાન ચાલ્યો જતો હોય તે નાડી
* વિટમણા – વિટંબણા, મુશ્કેલી
* શ્રમણા – સંન્યાસિની, પરિવ્રાજિકા, બૌદ્ધ ભિખ્ખુણી કે સાધ્વી

5 Comments

  1. Bhagyashreeba Vaghela
    Bhagyashreeba Vaghela October 21, 2017

    “ઈડા પિંગલાની રમત રાતદિન છે,
    કદી શ્વાસને પણ સુષુમ્ણામાં રાખો”
    -વાહ ખુબ જ સરસ! દરેક શેર……

    • Daxesh
      Daxesh November 19, 2017

      Thank you for your appreciation

  2. અશોક જાની 'આનંદ'
    અશોક જાની 'આનંદ' October 22, 2017

    ભલે હોય અંધાર ચારે તરફ પણ,
    શ્રદ્ધાની બારી ઉગમણામાં રાખો….. વાહ કવિ.. અનોખુ

    અર્થપૂર્ણ ગઝલ.. !!

    • Daxesh
      Daxesh November 19, 2017

      Thank you Ashokbhai

  3. Anila patel
    Anila patel October 22, 2017

    નૂતન વર્ષાભિનંદન.

Leave a Reply

Your email address will not be published.

This site uses Akismet to reduce spam. Learn how your comment data is processed.