[Painting by Donald Zolan]
*
લ્યો, ઋણાનુબંધ પૂરો થાય છે,
આપણો સંબંધ પૂરો થાય છે.
શ્વાસથી જેને રહ્યા આલેખતાં,
એ મહાનિબંધ પૂરો થાય છે.
ભીંત પર લટકી શકો ના પાંપણે,
– એ કડક પ્રતિબંધ, પૂરો થાય છે.
લાગણી નામે નદી છે સાંકડી,
અશ્રુઓનો બંધ પૂરો થાય છે.
આંખમાં મરજી મુજબ આવી શકો,
ભેજનો પ્રબંધ પૂરો થાય છે.
કેટલી ‘ચાતક’ પ્રતીક્ષા, ને છતાં,
આ વિરહ અકબંધ પૂરો થાય છે !
– © દક્ષેશ કોન્ટ્રાકટર ‘ચાતક’
મજાનાં કાફિયાનો સુપેરે વિનિયોગ… !!
બાકી ઋણાનુબંધ વિનાનો સંબંધ એટલે મિત્રતા… !!
well said … Thank you Ashokbhai.
લાગણી નામે નદી છે સાંકડી,
અશ્રુઓનો બંધ પૂરો થાય છે.
આંખમાં મરજી મુજબ આવી શકો,
ભેજનો પ્રબંધ પૂરો થાય છે.
… ખુબ સુંદર
Shukriya
આખીયે ગઝલ સંવેદનથી લથબથ પ્રત્યેક શે’રમાં અવનવી રીતે લાગણી ઉજાગર થઈ છે મારા દિલી અભિનંદન
આપના પ્રોત્સાહન બદલ આભાર.
Very nice gazal
Kyaa baat hai!
શ્વાસથી જેને રહ્યા આલેખતાં,
એ મહાનિબંધ પૂરો થાય છે.
ખુબ આભાર.
Superb ! Touching !
Thank you Hasmukh bhai ..