[Painting by Donald Zolan]
બારણાંઓ સાવ ખુલ્લાં, બારીઓ સહુ બંધ છે.
દોસ્ત, આ દિવાલ જેવો આપણો સંબંધ છે.
પાસપાસે તોય કો’દિ એક થાવાનું નહીં,
શું હથેળીમાં ચણાયેલા ઋણાનુબંધ છે !
તારા હૈયાનું દરદ કહી નાખ મુજને બેધડક,
મારી પાસે આંસુઓનો પૂરતો પરબંધ છે.
બારસાખો પર જડેલી આંખના સોગન તને,
આવ કે ભીતર હજી તારી છબી અકબંધ છે.
શ્વાસને સ્યાહી બનાવી ઘૂંટતો ‘ચાતક’ સમય,
જિંદગી તારી પ્રતીક્ષાનો મહાનિબંધ છે.
– © દક્ષેશ કોન્ટ્રાકટર ‘ચાતક’
પ્રતીક્ષાનો મહાનિબંધ, સમજવામાં એક લીટીના પ્રશ્ન જેટલો સરળ લાગ્યો…
મારી પાસે આંસુઓનો પૂરતો પરબંધ છે…..
વાહ, ખૂબ જ સુંદર ગઝલ !
કાફિયા ખૂબ સુંદર રીતે નિભાવ્યા છે.
ખૂબ સરસ ગઝલ. એક એકથી ચડિયાતા શે’ર થયા છે. અભિનંદન
એક એકથી અદકેરો એક એક શેર –વાહ, બહુ જ સરસ.
પ્રતીક્ષાનો મહાનિબંધ..
તારા હૈયાનું દરદ કહી નાખ મુજને બેધડક,
મારી પાસે આંસુઓનો પૂરતો પરબંધ છે.
આ ટૂંક બહુ ગમી!
તારા હૈયાનું દરદ કહી નાખ મુજને બેધડક,
મારી પાસે આંસુઓનો પૂરતો પરબંધ છે.
બારસાખો પર જડેલી આંખના સોગન તને,
આવ કે ભીતર હજી તારી છબી અકબંધ છે
.. WAH KHUB SARAS…
તારા હૈયાનું દરદ કહી નાખ મુજને બેધડક,
મારી પાસે આંસુઓનો પૂરતો પરબંધ છે….વાહ મારા હિસાબે ગઝલનો શિરમોર શે’ર………..
આમ તો પૂરી ગઝલ ગમી
ક્યા બાત હૈ દક્ષેશભાઈ… અચ્છી ગઝલ નીકાલી…
બારસાખો પર જડેલી આંખના સોગન તને,
આવ કે ભીતર હજી તારી છબી અકબંધ છે.
Beautiful. …
આવી જ કવિતાઓ મોકલતા રહો.
બહુ સરસ.