Press "Enter" to skip to content

જીવી જવાની લ્હાયમાં

જિંદગી જીવી જવાની લ્હાયમાં,
આપણે કૂદી રહ્યાં છે ખાઈમાં.

તાજગી ઝાકળની બૂંદોમાં હતી,
આપણે શોધી રહ્યાં’તાં ચાયમાં.

દૂધ પીતાં કાળજે ટાઢક નથી,
કેટલી ડેરી બનાવી ગાયમાં.

રામ-રાવણની જરૂરત ક્યાં હવે,
સંપ ના દેખાય ભાઈ-ભાઈમાં.

બાપની સંવેદના ખૂટી પડી,
ડુસકાં ડૂબી ગયા શરણાઈમાં.

બંધ બારી રાખનારાંને પૂછો,
ફર્ક શું છે ધૂપ ને પરછાંઈમાં.

કોઈ ‘ચાતક’ને જગાડો ખ્વાબથી,
ધૂંધળું દેખાય આંખે ઝાંયમાં.

– દક્ષેશ કોન્ટ્રાકટર ‘ચાતક’

6 Comments

  1. અશોક જાની 'આનંદ'
    અશોક જાની 'આનંદ' August 20, 2013

    મજાના મત્લા સહિત આખી ગઝલ સુંદર…!!

  2. Kishore Modi
    Kishore Modi August 20, 2013

    ઉત્તમ મત્લા સાથે તાજગીસભર ગઝલ

  3. Kanchankumari Parmar
    Kanchankumari Parmar August 20, 2013

    સાવ સાચી વાત છે કે જીવી જવાની લહાયમાં આપણે બધા સંબંધોને દાવમાં લગાવી દીધા છે……..ખુબ સરસ!!!!!

  4. Pravin Shah
    Pravin Shah August 21, 2013

    કોઈ ‘ચાતક’ને જગાડો ખ્વાબથી……
    જાગૃત અવસ્થા માંગવાનો આપણો અભિકાર છે.
    મત્લા અને મક્તા ખૂબ સરસ થયા છે.
    સુંદર સંવેદનોથી સભર આખી ગઝલ માણવાલાયક થઈ છે.
    અભિનંદન !

  5. Surbhi Raval
    Surbhi Raval August 23, 2013

    ખુબ જ સુંદર. એકદમ સાચી વાત. ખુબ જ ગમી …

  6. Anil Chavda
    Anil Chavda August 24, 2013

    જિંદગી જીવી જવાની લ્હાયમાં,
    આપણે કૂદી રહ્યાં છે ખાઈમાં.

    આ શેરમાં વ્યાકરણ દોષ જણાય છે. આપણે કૂદી રહ્યા છે ખાઈમાં… ને બદલે આપણે કૂદી રહ્યા’તા ખાઈમાં કરવું પડે. જેથી છંદ અને વ્યાકરણદોષ બંને નભી જાય છે.

Leave a Reply to Anil Chavda Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.