કોઈ ઘટના નથી એ વાતને બીના બનાવી છે,
અમે નિજ શ્વાસની સિતારને વીણા બનાવી છે.
ધનીના એક આંસુથી જ સર્જાશે મહાભારત,
દુઃખીના સ્મિતને એથી અમે ગીતા બનાવી છે.
હરણ કરવાની કોશિશમાં સતત ભટક્યા કરે છે મન,
પ્રભુજી, શું વિચારીને તમે સીતા બનાવી છે ?
પ્રતીક્ષાને પૂરી કરવા પધારો આંગણે જલદી,
અહલ્યા એજ કારણથી અમે શિલા બનાવી છે.
સમય લાક્ષાગૃહોની જેમ સઘળું ફુંકશે પળમાં,
અમે શાશ્વત જીવનને પામવા ચિતા બનાવી છે.
અધૂરા લક્ષ્ય ‘ચાતક’ જિંદગીને અર્થ આપે છે,
શબદ ઓળંગવા માટે અમે સીમા બનાવી છે.
– © દક્ષેશ કોન્ટ્રાકટર ‘ચાતક’
અરે વાહ કેટલી સરસ રચના. મને તો ગઝલ મા બહુ સમજ ના પડે છતા આ સાઇટ પર આજે પહેલી વાર આવી અને તમારી એક-બે ગઝલ વાંચી અને પછી તો આગળ ને આગળ વાંચતી જ ગઈ. બહુ જ સરસ લખો છો તમે. GREAT!!
સુંદર ગઝલનો મત્લા ખૂબ ગમ્યો! અભિનંદન!!
સુધીર પટેલ.
સરસ ગઝલ
કેટલીક પંક્તિઓ ખાસ ધ્યાન ખેઁચે છે.
કોઈ ઘટના નથી એ વાતને બીના બનાવી છે,
અમે નિજ શ્વાસને સિતાર ને વીણા બનાવી છે.
સમય લાક્ષાગૃહોની જેમ સઘળું ફુંકશે પળમાં,
અધૂરા લક્ષ્ય ‘ચાતક’ જિંદગીને અર્થ આપે છે,
વાહ દરેક સુંદર શે’ર સાથે મજાની ગઝલ..!! શે’રોમાઁ નિયોજાયેલાં પૌરાણિક સંદર્ભો પણ ઉચિત અને રસપ્રદ રહ્યાં…!!
good rhyming scheme and also nice use of combinations of different references.
બહુજ સુન્દર મજાના શેર ને આપની રચના ….હંમેશની જેમ ખુબ ગમી…
બનાવી છે- રદીફ સાથે સુંદર ભાવવિશ્વ લઈ આવ્યા છો.
શ્વાસને સિતાર અને વીણા બનાવવાની વાત બહુ ગમી.
બધા જ શેર સુંદર !
અભિનંદન દક્ષેશભાઈ !
અમે નિજ શ્વાસને સિતાર ને વીણા બનાવી છે.
બહુ સરસ…
હરણ કરવાની કોશિશમાં સતત ભટક્યા કરે છે મન,
પ્રભુજી, શું વિચારીને તમે સીતા બનાવી છે ?
વાહ વાહ ભાઇ… સરસ વિચારો…. અને મઝાની ગઝલ બની છે… બધાજ શેર અર્થપૂર્ણ છે…. અભિનંદન
હરણ કરવાની કોશિશમાં સતત ભટક્યા કરે છે મન,
પ્રભુજી, શું વિચારીને તમે સીતા બનાવી છે ?
ખૂબ સરસ … શે’ર ખૂબ ગમ્યો. મિથનો શે’રોમાં અભિવ્યક્તિસભર સરસ ઉપયોગ… નખશિખ સુંદર ગઝલ.
મારા અંતરના તમને અભિનંદન છે.
સમય લાક્ષાગ્રુહોને ફુંકશે પળમાં……….ચિતા બનાવી છે
શું વાત છે !
વધુ એક ચઢીયાતી રચના!!!
હરણ કરવાની કોશિશમાં સતત ભટક્યા કરે છે મન,
પ્રભુજી, શું વિચારીને તમે સીતા બનાવી છે ?…Waaaah