તું બની જાશે કળી, તો ફૂલ મુરખ ચૂંટશે,
સર્વ જગ માળી બની તારી મધુરતા લૂંટશે.
ક્યાંક મૃગજળને હરણ થઈ દોડવા ઈચ્છા થશે,
ક્યાંક તારી પ્યાસથી આખોય સહરા ખૂટશે.
ને અમાસી રાત બનશે કો નવોઢા ચાંદ સમ,
તારલા એકાદ-બે આંસુ રૂપાળા ઘૂંટશે.
સ્વપ્નનો વિસ્તાર આંખોથી વધી આગળ જશે,
આભમાં ઊંચા મિનારા પત્થરોના તૂટશે.
એક જીવતરને સમાવી શ્વાસમાં બેઠા પછી,
એક ઈચ્છાનો સમંદર ક્યાંક ‘ચાતક’ ફૂટશે.
– દક્ષેશ કોન્ટ્રાકટર ‘ચાતક’
તું બની જાશે કળી, તો ફૂલ મુરખ ચૂંટશે,
સર્વ જગ માળી બની તારી મધુરતા લૂંટશે.
વાહ…ખૂબ સુંદર રચના
સરસ ગઝલ. મત્લાની રમતિયાળ મસ્તી ગમી.
સુંદર ગઝલ !
મત્લા વિશેષ ગમ્યો.
સુંદર ગઝલ
મિત્રો,
ઘણા સમય પછી, બ્લોગમાં આવ્યો,
છેલ્લા કેટલાય સમયથી એક વાર્તાનો પ્લોટ મારા મગજમાં રમી રહ્યો હતો, અને આજે તક મળી ગઇ એને બહાર લાવવાની, જીવનમાં પ્રથમ જ વખત વાર્તા લખવાનો વિવેકી અને નમ્ર પ્રયાસ કર્યો છે, અને વાર્તા પણ કેવી ! એક રહસ્યમય, ભાષાને શક્ય એટલી સરળ બનાવવાનો પ્રયાસ કર્યો છે, અને વાર્તાને ન્યાય આપવાનો પૂરતો પ્રયાસ કર્યો છે. છતા પણ મારી આ પ્રથમ વાર્તા છે, ભૂલો તો મેં ચોક્કસ જ કરી હશે, મિત્રો ને મારી વિનંતી છે કે આપનો અભિપ્રાય મને ચોક્ક્સથી આપજો, અને મારી ભૂલ પ્રત્યે મારૂં ધ્યાન દોરજો, જેથી વાર્તાનો અગામી અંક ચોંટદાર અને વધુ રહસ્યમય બનાવી શકું.
મિત્રો મને આપના અભિપ્રાયની ઇંતેજારી રહેશે
આપના આગમનની પ્રતિક્ષાએ
– કુમાર મયુર –
સરસ ગઝલ!
સુધીર પટેલ.