Press "Enter" to skip to content

કો’ક નડે છે બિલ્લીને

(Photo taken @ Hilo, The Big Island, Hawaii)

એક આદમી રસ્તામાં હરરોજ મળે છે બિલ્લીને,
વાત વહે છે જંગલમાં કે કો’ક નડે છે બિલ્લીને.

માર્ગ બદલવાથી થાતો ના લેશ મુસીબતથી છુટકાર,
ભયની ભૂતાવળ જીવનમાં રોજ છળે છે બિલ્લીને.

પૂર્વગ્રહોથી મોટા કોઈ ગ્રહ-નક્ષત્ર નથી, યારો,
ભીતરમાં પેઠેલા સો-સો વ્હેમ અડે છે બિલ્લીને.

જોષીની વાતોને સાચી કોઈ નહીં માને, કારણ
જોષી કે’ છે, રાહુ આવી રોજ ગળે છે બિલ્લીને !

બાળક થઈને જેની પીઠે પસવારેલા હાથ હજાર,
એ જ આદમી મોટો થઈને આજ લડે છે બિલ્લીને !

દીન બાળની કિસ્મતમાં ના છાંટો એક ભલે ‘ચાતક’,
ભાગ્ય બડા બલવાન અહીં કે દૂધ મળે છે બિલ્લીને.

– દક્ષેશ કોન્ટ્રાકટર ‘ચાતક’

12 Comments

  1. Heena Parekh
    Heena Parekh September 30, 2011

    સરસ છે બિલ્લી ગઝલ.

  2. Usha Patel
    Usha Patel September 30, 2011

    સુંદર કાવ્ય માણવાનું મળ્યું.

  3. Kishore Modi
    Kishore Modi September 30, 2011

    નવી રદીફમાં વહી જતી સરળ ગઝલ.

  4. Himanshu Patel
    Himanshu Patel September 30, 2011

    આપણી પરંપરાગત માન્યતાને અને તેથી આવેલા મુલ્યને ફેરવી- તોળતી ગઝલ ભાવી.

  5. Sunil Shah
    Sunil Shah September 30, 2011

    મઝા પડી દોસ્ત..

  6. Kirtikant Purohit
    Kirtikant Purohit September 30, 2011

    સુન્દર કલ્પનાસભર અને રદીફ્ની તાજગીભરી ગઝલ બદલ અભિનન્દન.

  7. Pragnaju
    Pragnaju September 30, 2011

    સ રસ
    પૂર્વગ્રહોથી મોટા કોઈ ગ્રહ-નક્ષત્ર નથી, યારો,
    ભીતરમાં પેઠેલા સો-સો વ્હેમ અડે છે બિલ્લીને.

    જોષીની વાતોને સાચી કોઈ નહીં માને, કારણ
    જોષી કે’ છે, રાહુ આવી રોજ ગળે છે બિલ્લીને !
    વાહ્
    કુંડળીનો શાપિતગ્રહ આપણી જન્મકુંડળીમાં તો નવગ્રહનું જ સામ્રાજ્ય ચાલતું હોય છે. પણ મન-કુંડળીમાં માત્ર એક જ ગ્રહ એવો છે જે પેલા નવેનવ ગ્રહ કરતાંયે વધુ નડે છે, તે છે પૂર્વગ્રહ. આ ગ્રહ આપણા સંબંધ-સુખને એવું તો કનડતો હોય છે કે એની ચાલમાં સપડાયેલું મન ખોટી ગેરસમજો કરી બેસે જેનાથી સંબંધોમાં કડવાશ ફેલાઈ જાય છે. કોઈ વસ્તુ, બનાવ કે વ્યક્તિ માટે આપણે સાંભળેલી, વાંચેલી હકીકતોને ચકાસ્યા વગર જ એક અભિપ્રાય કે મત બાંધી લઈએ છીએ. ધીરે ધીરે એ પૂર્વગ્રહમાં પલટાઈ જાય છે. અને આવા અનેક બાબતોના પૂર્વગ્રહો પછી કુંડળીના ગ્રહો કરતાંયે ખતરનાક પરિણામો લાવી મૂકતા હોય છે

  8. અશોક જાની 'આનંદ'
    અશોક જાની 'આનંદ' October 1, 2011

    સાવ નવી વિભાવનાની ગઝલ…ગમી,
    બાળક થઈને જેની પીઠે પસવારેલા હાથ હજાર,
    એ જ આદમી મોટો થઈને આજ લડે છે બિલ્લીને ! વાહ્,,,!!

  9. P Shah
    P Shah October 8, 2011

    વ્હેમ, વ્યંગ, બિલ્લી બધું જ ગમ્યું.
    નવિનતમ વિભાવનાની સુંદર ગઝલ !

  10. Manhar Mody
    Manhar Mody October 11, 2011

    સાવ સાચ્ચી વાત. આપણા આગ્રહો અને પૂર્વગ્રહો જેટલા નડે છે તેટલા બીજા કોઇ ગ્રહો નથી નડતા.
    દીન બાળની કિસ્મતમાં ના છાંટો એક ભલે ‘ચાતક’,
    ભાગ્ય બડા બલવાન અહીં કે દૂધ મળે છે બિલ્લીને.

    શૂન્ય સાહેબની પ્રખ્યાત નઝમ
    ‘ દુધના માટે રોતા બાળક, રો તારા તકદીર ને રો’ યાદ આવી ગઈ

  11. Narendra Jagtap
    Narendra Jagtap October 18, 2011

    સરસ નવો વિષય માણવા મળ્યો…..

Leave a Reply to Usha Patel Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.