(Painting: Amita Bhakta)
[audio:/n/nari-shunyata-ma.mp3|titles=Nari Shunyata Ma|artist=Devesh Dave]
(સ્વર – દેવેશ દવે)
[audio:/yatri/vaagi-rahyo-chhu.mp3|titles=Vaagi rahyo chhu|artist=Raju Yatri]
(તરન્નુમ – રાજુ યાત્રી)
નરી શૂન્યતામાં હું વાગી રહ્યો છું,
નિરાકાર, સાકાર, લાગી રહ્યો છું.
કદી બુદબુદા થઈ, કદી ખુદ ખુદા થઈ,
હું મંદિર મસ્જીદ તાગી રહ્યો છું.
ધ્વનિનું છું ઉદગમ, સ્વયં નાદબ્રહ્મ,
હું પડઘો બની ક્યાંક વાગી રહ્યો છું.
પ્રકાશિત સ્વયં હું ભલે દીપ માફક,
હું પડછાયો થઈ ક્યાંક ભાગી રહ્યો છું.
નથી કોઈ બંધન, નથી મોહ-મમતા,
ક્ષણેક્ષણ છતાં કૈંક ત્યાગી રહ્યો છું.
સમય છું, કરું ખુદ પ્રતીક્ષા સમયની,
હું ‘ચાતક’ બની ક્યાંક જાગી રહ્યો છું.
– દક્ષેશ કોન્ટ્રાકટર ‘ચાતક’
ધ્વનિનું છું ઉદગમ, સ્વયં નાદબ્રહ્મ,
હું પડઘો બની ક્યાંક વાગી રહ્યો છું.
પ્રકાશિત સ્વયં હું ભલે દીપ માફક,
હું પડછાયો થઈ ક્યાંક ભાગી રહ્યો છું. ખુબ સુંદર શબ્દો સાથે સુંદર વિચારો નું ગુંથન.
Congratulations.
amita Bhakta
વા….હ..
વાહ. લાજવાબ.