Press "Enter" to skip to content

શોધી રહ્યો છું જાતને

હું હજી શોધી રહ્યો છું જાતને,
તું અરીસો થૈ મને બતલાવને.

ફુલ, ઝાકળ, રેત, દરિયો કે નદી
તું કવિ થઈને મને સરખાવને.

ચાંદ થઈને ઝળહળે આકાશમાં,
આંગણે ક્યારેક મળવા આવને.

આગ હો કે બાગ-એની શી ફિકર,
તું જ આ દુનિયા મને પરખાવને.

ચોતરફ સંગીત તારા પ્રેમનું,
તું જરા એની લિપિ ઉકલાવને.

જિંદગી પળવારમાં વીતી જશે,
તું હથેળી તો જરા સરકાવને.

પ્રેમ, વર્ષા, ઈંતજારી કે વિરહ,
તું જ ‘ચાતક’ થૈ મને સમજાવને.

– દક્ષેશ કોન્ટ્રાકટર ‘ચાતક’

14 Comments

  1. અશોક જાની 'આનંદ'
    અશોક જાની 'આનંદ' September 15, 2011

    સુંદર ગઝલ- સુંદર મત્લા, નવીન અભિવ્યક્તિ..

    ગમે એવું…

    ચોતરફ સંગીત તારા પ્રેમનું,
    તું જરા એની લિપિ ઉકલાવને.

    જિંદગી પળવારમાં વીતી જશે,
    તું હથેળી તો જરા સરકાવને.

  2. Pancham Shukla
    Pancham Shukla September 15, 2011

    મનનીય ગઝલ. વિનમ્ર આજ્ઞાર્થ ભર્યા કાફિયાઓ પછી આવતા એકાક્ષરી રદીફ ‘ને’ નો કાકુ ભાવકને મોહી લે તેવો છે.

  3. Manhar Mody
    Manhar Mody September 15, 2011

    સુન્દર ભાવ અભિવ્યક્તિ અને પ્રતિકોથી સજ્જ ગઝલ.

    ફુલ, ઝાકળ, રેત, દરિયો કે નદી
    તું કવિ થઈને મને સરખાવને.

    ચાંદ થઈને ઝળહળે આકાશમાં,
    આંગણે ક્યારેક મળવા આવને.

    બહુ જ સરસ શેર. વાહ, વાહ.

  4. Kishore Modi
    Kishore Modi September 15, 2011

    સુંદર ગઝલ.

  5. Manvant Patel
    Manvant Patel September 15, 2011

    પ્રેમ્,વર્ષા,ઇઁતજારી,કે વિરહ !
    તુંજ ‘ચાતક’ થૈ મને સમજાવને ! !
    રસપ્રદ સર્જનનો અનુભવ થયો.
    આભાર દક્ષેશભાઇ ..અભિનંદન !

  6. Kirtikant Purohit
    Kirtikant Purohit September 15, 2011

    પઁચમભાઇ સાથે સહમત છુ. સરસ અર્થપૂર્ણ અને ભાવસભર રચના.

    જિંદગી પળવારમાં વીતી જશે,
    તું હથેળી તો જરા સરકાવને.

  7. Sunil Shah
    Sunil Shah September 15, 2011

    સરસ ગઝલ.
    બધા જ શેર મનમોહક થયા છે. અભિનંદન.

  8. P Shah
    P Shah September 15, 2011

    તું હથેળી તો જરા સરકાવને…..

    સરસ નવા કલ્પનોથી સજ્જ નાજુક લયથી શોભતી ગઝલ !
    અભિનંદન દક્ષેશભાઈ !

  9. Devika Dhruva
    Devika Dhruva September 15, 2011

    અતિ વિનમ્ર, મૃદુ, મનનીય અને સુન્દર ગઝલ.

  10. Himanshu Patel
    Himanshu Patel September 15, 2011

    સ્વકને ઑળખવા કે મેળવવા નમ્રતાભર્યું વનવવું આદરયુક્ત રહ્યું—
    ચોતરફ સંગીત તારા પ્રેમનું,
    તું જરા એની લિપિ ઉકલાવને…..

  11. Narendra Jagtap
    Narendra Jagtap September 16, 2011

    જિંદગી પળવારમાં વીતી જશે,
    તું હથેળી તો જરા સરકાવને……..

    બહુ જ સરસ ગઝલ ….ગેયતામા પણ ફીટ બેસે છે…..

  12. Sudhir Patel
    Sudhir Patel September 17, 2011

    વાહ! ખૂબ સુંદર ગઝલ!!
    સુધીર પટેલ.

  13. Saryu Parikh
    Saryu Parikh October 6, 2011

    થોડા સમય પછી તમારી ગઝલો મ્હાણવાનો સમય મળતા આનંદ થયો.
    ખુબ સરસ.
    સરયૂ

  14. ભરત ત્રિવેદી
    ભરત ત્રિવેદી July 29, 2012

    આખે આખી ગઝલ મને તો ગમી ગઈ ! વાહ !

Leave a Reply to Manvant Patel Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.