ચોગમ ફેલાયેલું રણ છે મારી અંદર.
મૃગજળ જેવી ભીની ક્ષણ છે મારી અંદર.
અરમાનોની કુંજગલીમાં ભટકી ભટકી,
હાંફી ગયેલાં કૈંક હરણ છે મારી અંદર.
ઝાંઝવા સમી લાગણીઓ શાને વરસાવે,
થીજી ગયેલાં સાવ ઝરણ છે મારી અંદર,
શાહી કલમની સૂકાવાનું નામ નહીં લે,
કૈં કેટલાં અવતરણ છે મારી અંદર.
કણકણમાં તું છુપાયેલો, જાણું છું, પણ
બાકી ના કોઈ રજકણ છે મારી અંદર.
‘ચાતક’ થઈને રાહ જોઉં છું કૈં વરસોથી
આવ, આવવાનાં કારણ છે મારી અંદર.
– દક્ષેશ કોન્ટ્રાકટર ‘ચાતક’
સુંદર ગઝલ…
કણકણમાં તું છુપાયેલો, જાણું છું, પણ
બાકી ના કોઈ રજકણ છે મારી અંદર…..વાહ વાહ …ક્યા બાત હૈ….સરસ ગઝલ
ઝાંઝવા સમી = મૃગજળ જેવી- એમ કરીને વાંચી શકાય.
‘ચાતક’ થઈને રાહ જોઉં છું કૈં વરસોથી
આવ, આવવાનાં કારણ છે મારી અંદર
ક્યા બાત હૈ ચાતક સાહેબ, સુંદર કહ્યું…
સુંદર ગઝલ !
આવ, આવવાનાં કારણ છે મારી અંદર.
તમારી ગઝલ વાંચવાનું કંઇક તો કારણ ગઝલની અંદર !
અભિનંદન !
આખી રચના જ ખૂબ સરસ.
સરસ અભિવ્યક્તિ…!!! સુંદર ગઝલ,
આ વિશેષ ગમ્યું…
શાહી કલમની સૂકાવાનું નામ નહીં લે,
કૈં કેટલાં અવતરણ છે મારી અંદર.
કણકણમાં તું છુપાયેલો, જાણું છું, પણ
બાકી ના કોઈ રજકણ છે મારી અંદર.
કિર્તીકાન્તભાઇની વાત કંઇક અંશે ખરી છે…
ત્રીજા શે’ર માં ‘ઝાંઝવા સમી ‘ માં ગાલગાલગા વજન થાયછે, જ્યારે આમ છંદ ગાગાગા… લાગે છે. એવુ જ પછીના શે’રમાં પણ લાગે છે.
અરમાનોની કુંજગલીમાં ભટકી ભટકી,
હાંફી ગયેલાં કૈંક હરણ છે મારી અંદર.
ઝાંઝવા સમી લાગણીઓ શાને વરસાવે,
થીજી ગયેલાં સાવ ઝરણ છે મારી અંદર,
વાહ વાહ, દક્ષેશભાઈ. હવે તમારી ગઝલો વાંચવાનું વ્યસન થઈ ગયું છે. લગે રહો.
ગઝલ સરસ છે પણ રદીફનો પ્રયોગ વધુ ક્લિષ્ટ બનતો નથી લાગતો? લય પણ ક્યાઁક ખટકતો અનુભવાય છે. તજજ્ઞો વધુ પ્રકાશ પાડે તો ગમે.
રદીફને સરસ રીતે નિભાવતી મઝાની ગઝલ.
ખૂબ જ સુંદર ગઝલ!
સુધીર પટેલ.
ગા ગા ના આવર્તનમાં નવી રદીફ પ્રયોજીને કહેવાયેલી સુંદર ગઝલ. અભિનન્દન.
વાહ..વાહ..દક્ષેસભાઈ ખૂબ સરસ. આખી રચના લાજવાબ…