Press "Enter" to skip to content

રેશમી સાંકળ હશે

સ્મિત એનું રેશમી સાંકળ હશે,
કે હૃદયને ખોલવાની કળ હશે ?

આ નિરક્ષર લાગણીને શું ખબર,
એમની આંખોમહીં કાગળ હશે.

એ સતત સાથે રહી સ્પર્શ્યાં નહીં,
જેમ કોઈ પર્ણ પર ઝાકળ હશે.

સાત પગલાંની સફર માંડી હતી,
એ ખબર ન્હોતી વિઘન આગળ હશે.

એ ખડક હોવાનો દાવો શું કરે,
શું ફુટેલા તૃણ બધા પોકળ હશે?

વેદનાની વાટ લાંબી હોય છે,
શક્ય છે, બાકી હજુ અંજળ હશે.

હર પ્રતીક્ષાનો સુખદ અંજામ છે,
કો’ક દિ ચાતક ઘરે વાદળ હશે.

– દક્ષેશ કોન્ટ્રાકટર ‘ચાતક’

17 Comments

  1. Atul
    Atul November 17, 2010

    હર પ્રતીક્ષાનો સુખદ અંજામ છે,
    કો’ક દિ ચાતક ઘરે વાદળ હશે.
    Wish you best of luck. I would like to pray, not only clouds but you should have lots of rain too !!!

  2. Dr Bipinchandra Contractor
    Dr Bipinchandra Contractor November 19, 2010

    સ્મિત એનું રેશમી સાંકળ હશે,
    કે હૃદયને ખોલવાની કળ હશે ?
    ભાગ્યે જ કોઈ કવિએ સ્મિતને રેશમી સાંકળની ઉપમા આપી હશે?
    વાહ! સુંદર ગઝલ! અભિનંદન !

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.