Press "Enter" to skip to content

રાતભર

શ્વાસમાં શ્વાસો સરે છે રાતભર,
લાગણીઓ ખળભળે છે રાતભર.

ઘુંટ પીવા રેશમી પરછાંઈના,
વ્યર્થ આદમ સળવળે છે રાતભર.

નૂર આંખોમાં ભરીને ચાંદનું,
તારલાઓ ઝળહળે છે રાતભર.

સાંજનું મન રાખવા સૂરજ થઈ
કૈંક દીપક કરગરે છે રાતભર.

એક-બે સપનાં બની પારેવડાં,
સાવ સૂનાં ફડફડે છે રાતભર.

આંખમાં અશ્વો પ્રતિક્ષાના હશે,
કેમ ચાતક હણહણે છે રાતભર ?

– દક્ષેશ કોન્ટ્રાકટર ‘ચાતક’

16 Comments

  1. Paru Krishnakant
    Paru Krishnakant December 30, 2010

    નૂર આંખોમાં ભરીને ચાંદનું,
    તારલાઓ ઝળહળે છે રાતભર.

    સાંજનું મન રાખવા સૂરજ થઈ
    કૈંક દીપક કરગરે છે રાતભર. સરસ…..સુંદર ગઝલ.

Leave a Reply

Your email address will not be published.

This site uses Akismet to reduce spam. Learn how your comment data is processed.