Press "Enter" to skip to content

ઘેરાતી રાત તને યાદ છે?


ગુજરાતી સાહિત્યને અનેક યાદગાર રચનાઓ આપી થોડાં સમય પહેલાં જ અલવિદા કહી જનાર છ અક્ષરનું નામ રમેશ પારેખ. એમના નામથી ભાગ્યે જ કોઈ સાહિત્યરસિક અજાણ હશે. અનોખા ભાવ-સંવેદનો દ્વારા વાચકને એક અનોખી દુનિયાનો અનુભવ કરાવતી એમની રચનાઓ વારંવાર વાંચવાની મજા પડે તો એને સૂરમાં મઢેલી સાંભળવામાં કેવો આનંદ થાય ? આજે એમની એવી જ એક સુંદર રચના માણીએ.
*
આલ્બમ: હસ્તાક્ષર, સંગીત: શ્યામલ-સૌમિલ, સ્વર: પાર્થિવ ગોહિલ

*
મારી આંખમાં તું વહેલી સવાર સમું પડતી,
ને ઘેરાતી રાત મને યાદ છે, ઘેરાતી રાત તને યાદ છે?
સોનેરી પોયણીઓ ઉઘડતી હોઠમાં ને
થાતું પરભાત મને યાદ છે, થાતું પરભાત, તને યાદ છે?

ખરબચડું લોહી થતું રૂંવાટીદાર, એવું ચોમાસું ચાર ચાર નેણનું;
ધોધમાર પીંછાનો પડતો વરસાદ, ગામ આખું તણાઈ જતું વેણનું.
છાતીની ઘુમરીમાં ઘુમી ઘુમીને ક્યાંક,
ખોવાતી જાત મને યાદ છે, ખોવાતી જાત તને યાદ છે?

સૂરજ વિનાના અને છાંયડા વિનાના ધોમ તડકા સૂસવાટે હવે રાતના;
લોચનની ભાષામાં ઘટના કહેવાય અને જીવતરની ભાષામાં યાતના.
આવેલું શમણું પણ અવસર થઈ જાય એવા,
દિવસોની વાત મને યાદ છે, દિવસોની વાત તને યાદ છે?

મારી આંખમાં તું વહેલી સવાર સમું પડતી ને
ઘેરાતી રાત મને યાદ છે, ઘેરાતી રાત તને યાદ છે?…

– રમેશ પારેખ

7 Comments

  1. Pravin  V.  Patel   [Norristown  PA  USA]
    Pravin V. Patel [Norristown PA USA] July 10, 2009

    આ અગાઉ હમણાંજ ‘ટહુકો’માં કવિશ્રી રમેશ પારેખનો, કવિશ્રી મનોજ ખંડેરિયાને શ્રધ્ધાંજલિ આપતો સુર સાંભળ્યો.
    બન્ને સમ્રાટો એમનો વારસો ચાહકોને સોંપી ગયા.
    આભાર.

  2. Mihir
    Mihir July 13, 2009

    કોઇ શબ્દ નથી.

  3. kanchankumari parmar
    kanchankumari parmar July 13, 2009

    હોય ભલે આકાશ તારી આંખોમાં તારો એક હુંએ છુ . સરસ રચના

  4. Jitendra
    Jitendra August 22, 2009

    chakali ni hunf bhari chhatiye lakhi ne sakhi maro sandesh tane mokalu. R.Pa. ne kon bhule

  5. Manisha
    Manisha February 20, 2010

    મારી આંખમાં તું વહેલી સવાર સમું પડતી ને
    ઘેરાતી રાત મને યાદ છે, ઘેરાતી રાત તને યાદ છે?…સરસ રચના

  6. Chetu
    Chetu November 28, 2010

    આ સ્વરબદ્ધ રચના યાદ અપાવવા બદલ આભાર દક્ષેશભાઇ … !

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.