Press "Enter" to skip to content

મૂંઝારો થાય છે !


મિત્રો, આજે મારી એક સ્વરચિત કૃતિ.

ક્યાંક તડકો, ક્યાંક છાંયો થાય છે,
આભને કેવો મૂંઝારો થાય છે !

શોધવા કોને ધરા પર, આભથી
આમ વીજળીનો ઝગારો થાય છે ?

શું નદીઓ આટલું રોતી હશે !
આ સમંદર કેમ ખારો થાય છે ?

વાસ્તવિકતાની તૂટેલી ઈંટથી
એક સપનાંનો મિનારો થાય છે.

જ્યાં જઈ સપનાં તમે વેચી શકો
દોસ્ત, એવા ક્યાં બજારો થાય છે ?

શ્વાસની મંથર ગતિ રોકી શકો
તો જ કાયમનો ઉતારો થાય છે !

ચાલ જઈએ શોધવા ‘ચાતક’ જરી
આશ પર અહીં ક્યાં ગુજારો થાય છે ?

– દક્ષેશ કોન્ટ્રાકટર ‘ચાતક’

20 Comments

  1. Sapana
    Sapana September 29, 2011

    દ્ક્ષેશભાઈ મહેફિલ લૂટી લીધી …પહેલાં થયું નદીવાળો શેર ટાંકુ પછી થ્યું સપનાં વાળો.પછી થયું વીજળી વાળૉ ..ચાલો આખી ગઝલ જ ટાંકુ છું..સાચું કહું તો આટલી સરસ અને સરળ ગઝલ ઘણાં સમયે વાંચી..આભાર
    સપના

  2. Alpeshkumar vankar
    Alpeshkumar vankar April 5, 2016

    ” છે ઘણા એવા કે જેવો યુગને પલટાવી ગયા
    છે ઘણા એવા કે જેવો યુગને પલટાવી ગયા પણ
    બહુ ઓછા છે જેવો પ્રેમમાં ફાવી ગયા .”

    – સૈફ’ પાલનપુરી

  3. Hitesh Rathod
    Hitesh Rathod April 24, 2024

    “જ્યાં જઈ સપનાં તમે વેચી શકો
    દોસ્ત, એવા ક્યાં બજારો થાય છે ?”

    વાહ ખૂબ સુંદર!

    શબ્દો સ્પર્શી જાય તો રચના અન્યથા લખાણ, આપની અપ્રતિમ રચનાઓ એ વાતને પુરવાર કરે છે!

    • admin
      admin April 26, 2024

      મારી રચના તમને સ્પર્શે એથી વધુ આનંદની વાત કયી હોઈ શકે!
      આભાર હિતેશભાઈ.

  4. Hitesh Rathod
    Hitesh Rathod April 24, 2024

    “જ્યાં જઈ સપનાં તમે વેચી શકો
    દોસ્ત, એવા ક્યાં બજારો થાય છે ?”

    અદભૂત!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.