સૂની પડેલી સાંજને આવી સજાવ તું
ખાલી પડેલી વાવમાં પાણી નખાવ તું
જો શક્ય હો તો આંખની સામે જ આવ તું
શાને કરે છે આંખમાંથી આવજાવ તું
હું પણ હજુયે યાદ છું એ વાત કર કબૂલ
નહિતર આ મારી વાતને ખોટી પડાવ તું
આ એ જ સપનું જે મને રાતે જગાડતું
કંઇ પણ કરીને આજ તો પાછું વળાવ તું
પ્રત્યેક પળને સાચવી હંકારવા છતાં
હોડી અમારી જ્યાં ડૂબેલી એ તળાવ તું
– અંકિત ત્રિવેદી
વાહ અકિંત ખુબ સરસ રચના…………..
” હું પણ હજુયે યાદ છું એ વાત કર કબૂલ
નહિતર આ મારી વાતને ખોટી પડાવ તું”
ધન્યવાદ…………આવી રચના મુકવા બદલ દક્ષેશભાઈ ને………….
રાજુ ખોના અને ચેતન ગાંધી…………
ખુબ સુન્દર અંકિતભાઈ, વાહ ! આવ તું….વળાવ તું…સુંદર સંધ્યાનો ફોટો…બ્લોગસર્જકને અભિનન્દન.