Press "Enter" to skip to content

સંબંધ

તમે પાંખો કાપીને આભ અકબંધ રાખ્યું
ને એનું તે નામ તમે સંબંધ રાખ્યું

મારાં સઘળાં દુવારને કરી દીધા બંધ
ને આમ તમે આંખોને કરી દીધી અંધ
તમે કાંટાળા થોરનો આપ્યો મને સ્પર્શ
ને એનું તે નામ તમે સુગંધ રાખ્યું.

હું તો વહેણમાં તણાઇ મને કાંઠો નથી
ને આપણા સંબંધની કોઇ ગાંઠો નથી
અછાંદસ જેવો છે આપણો આ પંથ
ને એનું તે નામ તમે છંદ રાખ્યું…

– પન્ના નાયક

2 Comments

  1. Ashwin-Sonal
    Ashwin-Sonal July 23, 2008

    હું તો વહેણમાં તણાઇ મને કાંઠો નથી
    ને આપણા સંબંધની કોઇ ગાંઠો નથી
    અછાંદસ જેવો છે આપણો આ પંથ
    ને એનું તે નામ તમે છંદ રાખ્યું

    વાહ દક્ષેશભાઈ, શું વાત છે ! બહુ સરસ કૃતિ શોધી અને મુકી છે.

  2. Kanchankumari parmar
    Kanchankumari parmar August 23, 2009

    મુક્ત ગગનના પંખી નો તે શાને કીધો સાથ્; ઉડવુ હતું જો એકલુ તો શાને કાપી પાંખ? પલ ભર તારા સંગમા મુજ હૈયે જાગી આશ; સાત સમંદર પાર કરી રચીશું સ્વપ્ન અપાર; હશે તુજ ઉરમાકે કે નથી મુજ પંખમા જોમ; પણ ના નથી મુજ પંખ એવી નિર્બળ ના ઉડી શકું એકાંકી……….

Leave a Reply to Kanchankumari parmar Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.