Press "Enter" to skip to content

Category: દેશભક્તિ ગીત

યા હોમ કરીને પડો


હિંમત કરવાનો પ્રસંગ આવે એટલે દરેક ગુજરાતીના મોં પર એક જ પંક્તિ આવે .. યા હોમ કરીને પડો ફતેહ છે આગે. આજકાલ ગુજરાતમાં પરીક્ષાની મોસમ છે. SSC અને HSC બોર્ડની પરીક્ષા ચાલી રહી છે ત્યારે આશા અને નિરાશા વચ્ચે ઝૂલા ઝૂલતાં દેશના ભાવિ યુવાનોની મનોસ્થિતિનો વિચાર આવે છે. નબળું રિઝલ્ટ આવતાં આપઘાત કરવા તૈયાર થનારા સંવેદનશીલ યુવામાનસને જે ટટ્ટારી અને ખુમારીની જરૂર છે એ આ ગીતમાંથી મળી રહેશે. કવિ નર્મદની આ બહુપ્રસિદ્ધ રચનાનું હૃદય મેહુલભાઈએ ખુબ સુંદર રીતે સંગીતમાં ઝીલ્યું છે. નિરાશ હો, હતાશ હો એવી પળોમાં આ ગીત સાંભળજો. જો ટટ્ટારી, ખુમારી અને જોમ-જુસ્સો ના ઉભરાય તો કહેજો.
*
આલ્બમ- નર્મદધારા, સ્વરાંકન- મેહુલ સુરતી

*
યા હોમ કરીને પડો ફતેહ છે આગે,
સહુ ચલો જીતવા જંગ, બ્યૂગલો વાગે.

કેટલાંક કર્મો વિષે, ઢીલ નવ ચાલે,
શંકા ભય તો બહુ રોજ, હામને ખાળે;
હજી સમય નથી આવિયો, કહી દિન ગાળે,
જન બ્હાનું કરે, નવ સરે અર્થ કો કાળે;
ઝંપલાવવાથી સિધ્ધિ જોઇ બળ લાગે….યા હોમ..

સાહસે કર્યો પરશુએ પૂરો અર્જુનને,
તે પરશુરામ પરસિધ્ધ, રહ્યો નિજ વચને;
સાહસે ઈંદ્રજિત શૂર, હણ્યો લક્ષ્મણે,
સાહસે વીર વિક્રમ, જગત સહુ ભણે;
થઈ ગર્દ જંગમાં મર્દ હક્ક નિજ માગે…યા હોમ..

સાહસે કોલંબસ ગયો, નવી દુનિયામાં,
સાહસે નેપોલિયન ભીડ્યો યુરોપ આખામાં;
સાહસે લ્યુથર તે થયો પોપની સામા,
સાહસે સ્કાટે દેવું રે, વાળ્યું જોતામાં;
સાહસે સિકંદર નામ અમર સહુ જાગે…યા હોમ..

સાહસે જ્ઞાતિનાં બંધ કાપી ઝટ નાખો,
સાહસે જાઓ પરદેશ બીક નવ રાખો;
સાહસે કરો વેપાર, જેમ બહુ લાખો,
સાહસે તજી પાખંડ, બહ્મરસ ચાખો;
સાહસે નર્મદા દેશ-દુઃખ સહુ ભાગે…યા હોમ..

-કવિ નર્મદ

4 Comments

ઝંડા ઊંચા રહે હમારા


મિત્રો આજે પંદરમી ઓગષ્ટ, ભારતમાતાનો સ્વતંત્રતા દિન. આઝાદીના બાસઠ વર્ષ આજે પૂરા થાય છે. અત્યારે દેશના અડધાથી વધુ નાગરિકો 1947 પછી જન્મેલા છે. એથી આઝાદીનું મહત્વ, એની કિમ્મત એમની કદાચ એટલી નથી જેટલી એનાથી પહેલાં જન્મેલી પેઢી હોય. સ્વતંત્ર હવામાં શ્વાસ લેવાનું ગૌરવ લેનાર દરેક ભારતવાસીનું મન આજે તિરંગા સામે ઝૂકશે – આપોઆપ ઝુકવું જોઈએ. ચાલો આપણે સૌ સાથે મળી આઝાદી માટે જેમણે પોતાના જાનનું બલિદાન આપ્યું એવા નામી-અનામી દરેક શહીદોનું ઋણસ્વીકાર કરીએ અને આપણા રાષ્ટ્રધ્વજને સદાય ઉન્નત રાખવાના પ્રયત્નો કરીએ.
*
આલ્બમ- પ્રાર્થનાપોથી, પ્રકાશક-સૂરમંદિર

*
વિજયી વિશ્વ તિરંગા પ્યારા, ઝંડા ઊંચા રહે હમારા.

સદા શક્તિ સરસાનેવાલા, પ્રેમસુધા બરસાનેવાલા,
વિરોં કો હર્ષાનેવાલા, માતૃભૂમિ કા તનમન સારા
ઝંડા ઊંચા રહે હમારા, વિજયી વિશ્વ તિરંગા પ્યારા.

શાન ન ઈસકી જાને પાયે, ચાહે જાન ભલે હી જાયે
વિશ્વ વિજય કરકે દિખલાયે, તબ હોવે જગ પૂર્ણ હમારા,
ઝંડા ઊંચા રહે હમારા, વિજયી વિશ્વ તિરંગા પ્યારા.

આવો પ્યારોં, આવો વીરો, દેશધર્મ પર બલિ બલિ જાઓ,
એક સાથ સબ મિલકર ગાઓ, પ્યારા ભારત દેશ હમારા,
ઝંડા ઊંચા રહે હમારા, વિજયી વિશ્વ તિરંગા પ્યારા.

ભારતમાતા કી જય.

2 Comments

છેલ્લો કટોરો ઝેરનો


બ્રિટીશ સલ્તનત સામે જંગે ચઢેલ ભારતનું પ્રતિનિધિત્વ કરતાં round table conference એટલે કે ગોળમેજી પરિષદમાં હાજરી આપવા ગાંઘીજી જ્યારે લંડન જવાના હતા તે વખતે રાષ્ટ્રીય શાયર તરીકે પ્રસિદ્ધ થયેલ ઝવેરચંદ મેઘાણીએ રચેલ આ અમર કૃતિ. આઝાદીના જંગ વખતે પ્રજાનો મિજાજ કેવો હતો, મરી મીટવાની- જાન ફના કરવાની કેવી તમન્ના હતી અને ગાંધીજી પ્રત્યે પ્રજાનો કેવો ભાવ હતો તેનો અંદાજો મેળવવો હોય તો આ ગીત સાંભળવું જ રહ્યું. દેખી અમારાં દુઃખ નવ અટકી જ્જો, બાપુ ! સહિયું ઘણું, સહીશું વધુ : નવ થડકજો, બાપુ !…. ઘણું બધું કહી જાય છે. આઝાદી પછી જન્મેલ દેશની મોટા ભાગની પેઢીને માટે ખજાના સમું આપણા પ્યારા કવિનું આ અણમોલ ગીત આજે સાંભળીએ.
*

*
છેલ્લો કટોરો ઝેરનો આ પી જજો, બાપુ !
સાગર પીનારા ! અંજલિ નવ ઢોળજો, બાપુ !

અણખૂટ વિશ્વાસે વહ્યું જીવન તમારું :
ધૂર્તો-દગલબાજો થકી પડિયું પનારું :
શત્રુ તણે ખોળે ઢળી, સુખથી સૂનારું :
આ આખરી ઓશીકડે શિર સોંપવું, બાપુ !
કાપે ભલે ગર્દન ! રિપુ-મન માપવું, બાપુ !

સુર-અસુરના નવયુગી ઉદધિ-વલોણે,
શી છે ગતાગમ રત્નના કામી જનોને ?
તું વિના, શંભુ ! કોણ પીશે ઝેર દોણે !
હૈયા લગી ગળવા ગરલ ઝટ જાઓ રે, બાપુ !
ઓ સૌમ્ય-રૌદ્ર ! કરાલ-કોમલ ! જાઓ રે, બાપુ !

કહેશે જગત : જોગી પણા શું જોગ ખૂટ્યા ?
દરિયા ગયા શોષાઈ ? શું ઘન-નીર ખૂટ્યાં ?
શું આભ સૂરજ-ચંદ્રમાનાં તેલ ખૂટ્યાં ?
દેખી અમારાં દુઃખ નવ અટકી જ્જો, બાપુ !
સહિયું ઘણું, સહીશું વધુ : નવ થડકજો, બાપુ !

ચાબુક, જપ્તી, દંડ, ડંડા મારના,
જીવતાં કબ્રસ્તાન કારાગારનાં,
થોડાઘણા છંટકાવ ગોળીબારના –
એ તો બધાંય જરી ગયાં, કોઠે પડ્યાં, બાપુ !
ફૂલ સમાં અમ હૈડાં તમે લોઢે ઘડ્યાં, બાપુ !

શું થયું – ત્યાંથી ઢીંગલું લાવો-ન લાવો !
બોસા દઈશું – ભલે ખાલી હાથ આવો !
રોપશું તારે કંઠ રસબસતી ભુજાઓ !
દુનિયા તણે મોંયે જરી જઈ આવજો, બાપુ !
હમદર્દીના સંદેશડા દઈ આવજો બાપુ !

જગ મારશે મે’ણાં : ન આવ્યો આત્મજ્ઞાની !
ના’વ્યો ગુમાની – પોલ પોતાની પિછાની !
જગપ્રેમી જોયો ! દાઝ દુનિયાની ન જાણી !
આજાર માનવ-જાત આકુલ થઈ રહી, બાપુ !
તારી તબીબી કાજ એ તલખી રહી, બાપુ !

જા, બાપ ! માતા આખલાને નાથવાને,
જા વિશ્વહત્યા ઉપરે જળ છાંટવાને,
જા સાત સાગર પાર સેતુ બાંધવાને –
ઘનઘોર વનની વાટને અજવાળતો, બાપુ !
વિકરાળ કેસરિયાળને પંપાળતો, બાપુ !

ચાલ્યો જ્જે ! તુજ ભોમિયો ભગવાન છે, બાપુ !
છેલ્લો કટોરો ઝેરનો પી આવજે, બાપુ !

– ઝવેરચંદ મેઘાણી

9 Comments

ગુણવંતી ગુજરાત !


મિત્રો, આજે ગુજરાતનો સ્થાપના દિન છે. તો આજે ગરવી ગુજરાતના મહિમાનું ગાન કરતું આ સુંદર શાસ્ત્રીય ઢાળમાં ગવાયેલ ગીત સાંભળીએ.
*
સંગીત મેહુલ સુરતી; સ્વર મેહુલ સુરતી, જાસ્મીન કાપડીઆ, દ્રવિતા ચોકસી

*
ગુણવંતી ગુજરાત ! અમારી ગુણવંતી ગુજરાત !
નમિયે નમિયે માત ! અમારી ગુણવંતી ગુજરાત !

મોંઘેરા તુજ મણિમંડપમાં, ઝૂકી રહ્યાં અમ શીશ !
માત મીઠી ! તુજ ચરણે પડીને માગિયે શુભ આશિષ ! … ગુણવંતી ગુજરાત !

મીઠી મનોહર વાડી આ તારી નંદનવન શી અમોલ !
રસફૂલડાં વીણતાં વીણતાં ત્યાં કરિયે નિત્ય કલ્લોલ ! … ગુણવંતી ગુજરાત !

સંત મહંત અનંત વીરોની, વહાલી અમારી માત !
જય જય કરવા તારી જગમાં અર્પણ કરિયે જાત ! … ગુણવંતી ગુજરાત !

ઊંડા ઘોર અરણ્ય વિષે કે સુંદર ઉપવનમાંય :
દેશવિદેશ અહોનિશ અંતર એક જ તારી છાંય … ગુણવંતી ગુજરાત !

સર સરિતા રસભર અમીઝરણાં, રત્નાકર ભરપૂર:
પુણ્યભૂમિ ફળફૂલ ઝઝૂમી, માત ! રમે અમ ઉર ! … ગુણવંતી ગુજરાત !

હિન્દુ મુસ્લિમ,પારસી,સર્વે માત ! અમે તુજ બાળ :
અંગ ઉમંગ ભરી નવરંગે કરિયે સેવા સહુ કાળ ! … ગુણવંતી ગુજરાત !

ઉર પ્રભાત સમાં અજવાળી ટાળી દે અંધાર !
એક સ્વરે સહુ ગગન ગજવતો કરિયે જયજયકાર … ગુણવંતી ગુજરાત !

– અરદેશર ખબરદાર

2 Comments

સૈનિકોની સ્મૃતિમાં


આજે 26મી જાન્યુઆરી, ભારતના પ્રજાસત્તાક દિવસ નિમિત્તે સૌ વાચકોને શુભેચ્છાઓ.
(દેશભક્તિના ગીતો સાંભળવાનું ચુકશો નહીં.)

સ્વતંત્રતાની સુરક્ષાને માટે મન મૂકીને લડનારા
શૂરા સૈનિકોની સ્મૃતિમાં આપણે બીજું તો શું કરી શકીએ ?
પરંતુ એમને આદરપૂર્વકના અનુરાગની અંજલિ અવશ્ય આપીએ.

હિમાલય પર્વત પરની પ્રતિકૂળ પરિસ્થિતિમાં,
શત્રુની સામે એ હસતાં હસતાં લડ્યા, ઝૂઝ્યા, ને મર્યા કે બલિ બન્યા.
છેલ્લા શ્વાસ સુધી એમણે સ્વતંત્રતાની સુરક્ષા કરી,
અને મરતી વખતે પણ પ્રાણમાં એ જ ભાવના ભરી કે,
માતૃભૂમિને માટે પોતે ફરીફરી જન્મે ને જરૂર પડે ત્યારે મરે.
મરતી વખતે પણ એમણે એ જ ભાવના ભરી.

દુશ્મન-દળની સામે દુર્ઘર્ષ દીવાલની જેમ ઊભા રહ્યા,
અને આતંકકારી આક્રમણખોરોને
પોતાની શૂરવીરતાનો સ્વાદ સારી પેઠે ચખાડી દીધો.
કૃત્યંતની પેઠે કાયરતાને ફગાવી દઈને એ રણસંગ્રામમાં કૂદી પડ્યા,
અને અનેકને મારીને જ પછી મર્યા.

મરતી વખતે એમની આંખમાં આત્મસંતોષ હતો,
અને એમના શ્રીમુખ પર શાંતિ.
કાળજામાં કર્તવ્યપાલનની પ્રતીતિ હતી,
અને અંતરાત્મામાં હતો અવર્ણનીય અને અસાધારણ આહલાદ.
મૃત્યુની મિત્રતા તથા ફિકરની ફાકી કરીને જંગમાં ઝૂઝનારા એ જવાંમર્દો
જીવનનું સાફલ્ય કરતાં ચિરનિદ્રામાં પોઢી ગયા,
પરંતુ ધરિત્રી પણ એમના હેતથી હાલી ઊઠી.

સ્વતંત્રતાને માટે સર્વસમર્પણ કરનારા એ સૈનિકોની સ્મૃતિમાં
આપણે બીજું તો શું કરીએ ?
પરંતુ એમને પગલે ચાલી માતૃભૂમિને માટે મરી ફીટવાની પ્રતિજ્ઞા લઈએ,
સ્વતંત્રતાની સુરક્ષા તથા સમૃદ્ધિને માટે બનતું બધું જ કરી જઈએ, તો પણ ઘણું.
એમની સોનેરી સનાતન સ્મૃતિને હૃદયમાં જડી દઈએ.

– શ્રી યોગેશ્વરજી કૃત ‘અક્ષત’માંથી (સાભાર સ્વર્ગારોહણ)

Leave a Comment

દેશભક્તિના ગીતો


આજે પંદરમી ઓગષ્ટ, ભારતનો સ્વતંત્રતા દિવસ. સૌ વાચકોને Happy Independence Day ! સ્વાતંત્ર્ય દિવસ મુબારક હો. આપણી પ્યારી જન્મભૂમિ બધી રીતે પ્રગતિ કરે, સુખ શાંતિ આમ આદમી સુધી પહોંચે અને ભૂખ, ભય તથા ભ્રષ્ટાચારથી મુક્ત સ્વનિર્ભર ભારતનું નિર્માણ થાય એવી ઈશ્વરને પ્રાર્થના કરીએ. સ્વાભાવિક છે કે આજે દેશભક્તિના ગીતો સાંભળવા ગમે. તો લ્યો તમારે માટે દેશભક્તિના ગીતોનો ખજાનો અહીં રજૂ કરીએ છીએ.

{"playlist":[{"title":"18. \u0aaf\u0ab9 \u0aa6\u0ac7\u0ab6 \u0ab9\u0ac8 \u0ab5\u0ac0\u0ab0 \u0a9c\u0ab5\u0abe\u0aa8\u0acb \u0a95\u0abe ( \u0aab\u0abf\u0ab2\u0acd\u0aae : \u0aa8\u0aaf\u0abe \u0aa6\u0acc\u0ab0 )","artist_name":"","audio_file":"http:\/\/www.mitixa.com\/wp-content\/uploads\/18.mp3","poster_image":false,"duration":"3:50","playlistid":"playlistid-1"},{"title":"17. \u0ab5\u0aa4\u0aa8 \u0aaa\u0ac7 \u0a9c\u0acb \u0aab\u0abf\u0aa6\u0abe \u0ab9\u0acb\u0a97\u0abe ( \u0aab\u0abf\u0ab2\u0acd\u0aae : \u0aab\u0ac1\u0ab2 \u0aac\u0aa8\u0ac7 \u0a85\u0a82\u0a97\u0abe\u0ab0\u0ac7 )","artist_name":"","audio_file":"http:\/\/www.mitixa.com\/wp-content\/uploads\/17.mp3","poster_image":false,"duration":"6:32","playlistid":"playlistid-1"},{"title":"16. \u0aa4\u0abe\u0a95\u0aa4 \u0ab5\u0aa4\u0aa8 \u0a95\u0ac0 \u0ab9\u0aae \u0ab8\u0ac7 \u0ab9\u0ac8 ( \u0aab\u0abf\u0ab2\u0acd\u0aae : \u0aaa\u0acd\u0ab0\u0ac7\u0aae \u0aaa\u0ac2\u0a9c\u0abe\u0ab0\u0ac0 )","artist_name":"","audio_file":"http:\/\/www.mitixa.com\/wp-content\/uploads\/16.mp3","poster_image":false,"duration":"7:24","playlistid":"playlistid-1"},{"title":"15. \u0ab8\u0abe\u0ab0\u0ac7 \u0a9c\u0ab9\u0abe\u0a81 \u0ab8\u0ac7 \u0a85\u0a9a\u0acd\u0a9b\u0abe ( \u0aab\u0abf\u0ab2\u0acd\u0aae : \u0aad\u0abe\u0a88\u0aac\u0ab9\u0ac7\u0aa8 )","artist_name":"","audio_file":"http:\/\/www.mitixa.com\/wp-content\/uploads\/15.mp3","poster_image":false,"duration":"3:06","playlistid":"playlistid-1"},{"title":"14. \u0ab8\u0abe\u0aac\u0ab0\u0aae\u0aa4\u0ac0 \u0a95\u0ac7 \u0ab8\u0a82\u0aa4 \u0aa4\u0ac1\u0aa8\u0ac7 \u0a95\u0ab0 \u0aa6\u0abf\u0aaf\u0abe \u0a95\u0aae\u0abe\u0ab2 ( \u0aab\u0abf\u0ab2\u0acd\u0aae : \u0a9c\u0abe\u0a97\u0ac3\u0aa4\u0abf )","artist_name":"","audio_file":"http:\/\/www.mitixa.com\/wp-content\/uploads\/14.mp3","poster_image":false,"duration":"5:00","playlistid":"playlistid-1"},{"title":"13. \u0aa8\u0aa8\u0acd\u0ab9\u0abe \u0aae\u0ac1\u0aa8\u0acd\u0aa8\u0abe \u0ab0\u0abe\u0ab9\u0ac0 \u0ab9\u0ac1\u0a82 ( \u0aab\u0abf\u0ab2\u0acd\u0aae : \u0ab8\u0aa8 \u0a93\u0aab \u0a88\u0aa8\u0acd\u0aa1\u0ac0\u0aaf\u0abe )","artist_name":"","audio_file":"http:\/\/www.mitixa.com\/wp-content\/uploads\/13.mp3","poster_image":false,"duration":"5:00","playlistid":"playlistid-1"},{"title":"12. \u0aae\u0ac7\u0ab0\u0ac7 \u0aa6\u0ac7\u0ab6 \u0a95\u0ac0 \u0aa7\u0ab0\u0aa4\u0ac0 ( \u0aab\u0abf\u0ab2\u0acd\u0aae : \u0a89\u0aaa\u0a95\u0abe\u0ab0 )","artist_name":"","audio_file":"http:\/\/www.mitixa.com\/wp-content\/uploads\/12.mp3","poster_image":false,"duration":"6:52","playlistid":"playlistid-1"},{"title":"11. \u0a9c\u0ab9\u0abe\u0a81 \u0aa1\u0abe\u0ab2 \u0aa1\u0abe\u0ab2 \u0aaa\u0ab0 \u0ab8\u0acb\u0aa8\u0ac7 \u0a95\u0ac0 ( \u0aab\u0abf\u0ab2\u0acd\u0aae : \u0ab8\u0abf\u0a95\u0a82\u0aa6\u0ab0-\u0a8f-\u0a86\u0a9d\u0aae )","artist_name":"","audio_file":"http:\/\/www.mitixa.com\/wp-content\/uploads\/11.mp3","poster_image":false,"duration":"7:11","playlistid":"playlistid-1"},{"title":"10. \u0a88\u0aa8\u0acd\u0ab8\u0abe\u0aab \u0a95\u0ac0 \u0aa1\u0a97\u0ab0 \u0aaa\u0ac7 ( \u0aab\u0abf\u0ab2\u0acd\u0aae : \u0a97\u0a82\u0a97\u0abe \u0a9c\u0aae\u0ac1\u0aa8\u0abe )","artist_name":"","audio_file":"http:\/\/www.mitixa.com\/wp-content\/uploads\/10.mp3","poster_image":false,"duration":"3:20","playlistid":"playlistid-1"},{"title":"09. \u0ab9\u0aae \u0ab2\u0abe\u0aaf\u0ac7 \u0ab9\u0ac8 \u0aa4\u0ac2\u0aab\u0abe\u0aa8 \u0ab8\u0ac7 \u0a95\u0ab6\u0acd\u0aa4\u0ac0 ( \u0aab\u0abf\u0ab2\u0acd\u0aae : \u0a9c\u0abe\u0a97\u0ac3\u0aa4\u0abf )","artist_name":"","audio_file":"http:\/\/www.mitixa.com\/wp-content\/uploads\/09.mp3","poster_image":false,"duration":"4:52","playlistid":"playlistid-1"},{"title":"08. \u0ab9\u0aae \u0ab9\u0abf\u0a82\u0aa6\u0ac1\u0ab8\u0acd\u0aa4\u0abe\u0aa8\u0ac0 ( \u0aab\u0abf\u0ab2\u0acd\u0aae : \u0ab9\u0aae \u0ab9\u0abf\u0a82\u0aa6\u0ac1\u0ab8\u0acd\u0aa4\u0abe\u0aa8\u0ac0 )","artist_name":"","audio_file":"http:\/\/www.mitixa.com\/wp-content\/uploads\/08.mp3","poster_image":false,"duration":"3:22","playlistid":"playlistid-1"},{"title":"07. \u0aad\u0abe\u0ab0\u0aa4 \u0a95\u0abe \u0ab0\u0ab9\u0ac7\u0aa8\u0ac7\u0ab5\u0abe\u0ab2\u0abe \u0ab9\u0ac1\u0a82 ( \u0aab\u0abf\u0ab2\u0acd\u0aae : \u0aaa\u0ac2\u0ab0\u0aac \u0a94\u0ab0 \u0aaa\u0ab6\u0acd\u0a9a\u0abf\u0aae )","artist_name":"","audio_file":"http:\/\/www.mitixa.com\/wp-content\/uploads\/07.mp3","poster_image":false,"duration":"4:34","playlistid":"playlistid-1"},{"title":"06. \u0a85\u0aaf \u0ab5\u0aa4\u0aa8 \u0aa4\u0ac7\u0ab0\u0ac7 \u0ab2\u0ac0\u0aaf\u0ac7 ( \u0aab\u0abf\u0ab2\u0acd\u0aae : \u0a95\u0ab0\u0acd\u0aae\u0abe )","artist_name":"","audio_file":"http:\/\/www.mitixa.com\/wp-content\/uploads\/06.mp3","poster_image":false,"duration":"8:07","playlistid":"playlistid-1"},{"title":"05. \u0a85\u0aaa\u0aa8\u0ac0 \u0a86\u0a9d\u0abe\u0aa6\u0ac0 \u0a95\u0acb \u0ab9\u0aae \u0ab9\u0ab0\u0a97\u0ac0\u0a9d ( \u0aab\u0abf\u0ab2\u0acd\u0aae : \u0ab2\u0ac0\u0aa1\u0ab0 )","artist_name":"","audio_file":"http:\/\/www.mitixa.com\/wp-content\/uploads\/05.mp3","poster_image":false,"duration":"4:42","playlistid":"playlistid-1"},{"title":"04. \u0a8f \u0ab5\u0aa4\u0aa8 \u0a8f \u0ab5\u0aa4\u0aa8 ( \u0aab\u0abf\u0ab2\u0acd\u0aae : \u0ab6\u0ab9\u0ac0\u0aa6 )","artist_name":"","audio_file":"http:\/\/www.mitixa.com\/wp-content\/uploads\/04.mp3","poster_image":false,"duration":"3:38","playlistid":"playlistid-1"},{"title":"03. \u0a8f \u0aae\u0ac7\u0ab0\u0ac7 \u0ab5\u0aa4\u0aa8 \u0a95\u0ac7 \u0ab2\u0acb\u0a97\u0acb ( \u0ab2\u0aa4\u0abe \u0aae\u0a82\u0a97\u0ac7\u0ab6\u0a95\u0ab0, \u0aaa\u0acd\u0ab0\u0aa6\u0ac0\u0aaa )","artist_name":"","audio_file":"http:\/\/www.mitixa.com\/wp-content\/uploads\/03.mp3","poster_image":false,"duration":"6:25","playlistid":"playlistid-1"},{"title":"02. \u0a8f \u0aae\u0ac7\u0ab0\u0ac7 \u0aaa\u0acd\u0aaf\u0abe\u0ab0\u0ac7 \u0ab5\u0aa4\u0aa8 ( \u0aab\u0abf\u0ab2\u0acd\u0aae : \u0a95\u0abe\u0aac\u0ac1\u0ab2\u0ac0\u0ab5\u0abe\u0ab2\u0abe)","artist_name":"","audio_file":"http:\/\/www.mitixa.com\/wp-content\/uploads\/02.mp3","poster_image":false,"duration":"5:04","playlistid":"playlistid-1"},{"title":"01. \u0a85\u0aac \u0aa4\u0ac1\u0aae\u0acd\u0ab9\u0abe\u0ab0\u0ac7 \u0ab9\u0ab5\u0abe\u0ab2\u0ac7 \u0ab5\u0aa4\u0aa8 \u0ab8\u0abe\u0aa5\u0ac0\u0aaf\u0acb\u0a82 ( \u0aab\u0abf\u0ab2\u0acd\u0aae : \u0ab9\u0a95\u0ac0\u0a95\u0aa4 )","artist_name":"","audio_file":"http:\/\/www.mitixa.com\/wp-content\/uploads\/01.mp3","poster_image":false,"duration":"6:11","playlistid":"playlistid-1"}]}
  1. અબ તુમ્હારે હવાલે વતન સાથીયોં ( ફિલ્મ : હકીકત )
  2. એ મેરે પ્યારે વતન ( ફિલ્મ : કાબુલીવાલા)
  3. એ મેરે વતન કે લોગો ( લતા મંગેશકર, પ્રદીપ )
  4. એ વતન એ વતન ( ફિલ્મ : શહીદ )
  5. અપની આઝાદી કો હમ હરગીઝ મીટા સકતે નહીં ( ફિલ્મ : લીડર )
  6. અય વતન તેરે લીયે ( ફિલ્મ : કર્મા )
  7. ભારત કા રહેનેવાલા હું ( ફિલ્મ : પૂરબ ઔર પશ્ચિમ )
  8. હમ હિંદુસ્તાની ( ફિલ્મ : હમ હિંદુસ્તાની )
  9. હમ લાયે હૈ તૂફાન સે કશ્તી ( ફિલ્મ : જાગૃતિ )
  10. ઈન્સાફ કી ડગર પે ( ફિલ્મ : ગંગા જમુના )
  11. જહાઁ ડાલ ડાલ પર સોને કી ( ફિલ્મ : સિકંદર-એ-આઝમ )
  12. મેરે દેશ કી ધરતી ( ફિલ્મ : ઉપકાર )
  13. નન્હા મુન્ના રાહી હું દેશ કા સિપાહી હું ( ફિલ્મ : સન ઓફ ઈન્ડીયા )
  14. સાબરમતી કે સંત તુને કર દિયા કમાલ ( ફિલ્મ : જાગૃતિ )
  15. સારે જહાઁ સે અચ્છા ( ફિલ્મ : ભાઈ બહેન )
  16. તાકત વતન કી હમ સે હૈ ( ફિલ્મ : પ્રેમ પૂજારી )
  17. વતન પે જો ફિદા હોગા ( ફિલ્મ : ફુલ બને અંગારે )
  18. યહ દેશ હૈ વીર જવાનો કા ( ફિલ્મ : નયા દૌર )
Comments closed