ચાંદનીમાં ચાંદ કેરા દાગ શોધે છે ! રાખમાં એ આગના સુરાગ શોધે છે ! મદભરી મોસમ મળેલી માણવા માટે, કોયલોની કૂક-માં એ રાગ શોધે છે ! જર-જમી-ઝેવર સુધી તો ઠીક છે, કિન્તુ એ તો ‘મા’ની ગોદમાંયે ભાગ શોધે છે ! માતપિતાને રડાવી જિંદગી આખી, શ્રાધ્ધના દિને પછીથી કાગ શોધે છે ! બે ઘડી નિરાંતની માણી [...]
સુખ ભલે અવસર, પરંતુ ખાનગી ગણતા નથી ! આવનારાં દુઃખ જીવનમાં કાયમી ગણતા નથી ! સુખ ને દુઃખ – બંનેય કિસ્સામાં વહે છે આંખથી, આમ વહેતું જળ મળે તો લાગણી ગણતા નથી ! એક દૃષ્ટિથી જ ઘાયલ એમણે કીધું હૃદય, કોઈ આંખોથી હણે તો પારધી ગણતા નથી ! નીંદ ને સુખચેન જાયે, ના મળે જેની [...]
લાચાર વૃક્ષની વ્યથા મૂંગી ટપાલમાં, ટહુકાઓ નીકળે ભલા ક્યાંથી ટપાલમાં. વિસ્તરતું જાય છે સતત સંબંધ કેરું રણ, મૃગજળ વિશે લખાય ક્યાં ભીની ટપાલમાં. નારીની વેદના લઈ ડૂસ્કાં ગયા ઘણાં, પડઘા હજી ઝીલાય ના બ્હેરી ટપાલમાં. ફુલોએ વારતા લખી એના સુહાગની, ઝાકળના બુંદ નીકળ્યા એથી ટપાલમાં. કેવી દશા થઈ હશે એના વિયોગમાં, સરનામું ચીતરી શકી ખાલી [...]
ક્યાં સુધી દુઃખદર્દની વાતો તમે કીધા કરો, ઝેર જીવનના બધા શંકર બની પીધા કરો. માર્ગ જીવનના કદી સીધા-સરળ હોતા નથી, પત્થરો પ્રારબ્ધના પુરુષાર્થથી સીધા કરો. સ્વીકૃતિની ધારણા પર થાય પ્રસ્તાવો રજૂ, જે હૃદયમાં હોય તે નિશ્ચિંત થઈ કીધા કરો. યાચના કરતાં શરમથી ડૂબવું છોને ભલું, આપવા બેસે ખુદા તો પ્રેમથી લીધા કરો. મોત આવી એક [...]
કેટલી ક્ષણને સદીમાં રાખીએ, ચાલ ડહાપણને નદીમાં નાખીએ. આજ જોષીનો દિવસ કેવો જશે, હસ્તરેખામાં ફરીથી ઝાંખીએ. સાંજ પડતાં સૂર્ય પણ થાકી જશે, ચાલ દીપકમાં વિસામો રાખીએ. ધૈર્યનો અંજામ કેવો, જાણવા, બોર શબરીના જઈને ચાખીએ. આગમનની શક્યતા ‘ચાતક’ હજી, બારણાં એથી અમસ્તા વાખીએ. – દક્ષેશ કોન્ટ્રાકટર ‘ચાતક’
