Press "Enter" to skip to content

Month: March 2017

સંબંધ પૂરો થાય છે


[Painting by Donald Zolan]

*
લ્યો, ઋણાનુબંધ પૂરો થાય છે,
આપણો સંબંધ પૂરો થાય છે.

શ્વાસથી જેને રહ્યા આલેખતાં,
એ મહાનિબંધ પૂરો થાય છે.

ભીંત પર લટકી શકો ના પાંપણે,
– એ કડક પ્રતિબંધ, પૂરો થાય છે.

લાગણી નામે નદી છે સાંકડી,
અશ્રુઓનો બંધ પૂરો થાય છે.

આંખમાં મરજી મુજબ આવી શકો,
ભેજનો પ્રબંધ પૂરો થાય છે.

કેટલી ‘ચાતક’ અધૂરપ, ને છતાં,
આ વિરહ અકબંધ પૂરો થાય છે !

– © દક્ષેશ કોન્ટ્રાકટર ‘ચાતક’

10 Comments