લાગણીના ઢાળ પર સર્જાય છે ગઝલ, તૂટતાં મુશ્કેલથી સંધાય છે ગઝલ. માતૃભૂમિ ગુર્જરીની વાત શું કરવી, રેંટિયાઓ પર અહીં કંતાય છે ગઝલ. સોમનાથે શબ્દ, પાટણથી લઈ પ્રભુતા, શેર સાસણના થકી ગર્ભાય છે ગઝલ. દૂધમલ નવલોહિયાઓના શૂરાતનથી, પાળિયાઓમાં પછી બંધાય છે ગઝલ. ટેક ‘ગાંધી’ની બને ‘સરદાર’ની શૂરતા, જશ્ન-એ-આઝાદી થકી રંગાય છે ગઝલ આપસી સદભાવ, શ્રધ્ધા, ભાઈચારાથી [...]
શ્હેરમાં ભીની ગલી ને ગામડે વરસાદ છે, આગમનની શક્યતાનો બારણે વરસાદ છે. એ હશે કેવી મિલનની તાજગી વરસો જૂની, એક છાંટો થાય ને મન સાંભરે, વરસાદ છે. જૂઈની વેલી સમી કન્યા વળાવી તે સમે, ભર ઉનાળે એમ લાગ્યું, માંડવે વરસાદ છે. એક-બે આંસુ છુપાવી ના શક્યા વાદળ જરી, હર્ષથી બોલી ઉઠ્યા સૌ, ‘આવ રે વરસાદ’ [...]
ડૂબતી સાંજે સમયનું આવરણ આવી મળે. ક્યાંકથી ખોવાયલું એકાદ જણ આવી મળે. રિક્તતા અહેસાસ થઈ જ્યાં સાથ સદીઓથી ધરે, એ શહેરમાં શક્યતાઓનું ઝરણ આવી મળે. શબ્દનું સંધાન કરવાની કરું શરૂઆત ત્યાં, સાવ ઓચીંતુ કલમ પર અવતરણ આવી મળે. ભૂલવાનું સ્હેલ હોતે, તો તને ભૂલી જતે, હર કદમ વીતેલ પળનું સંસ્મરણ આવી મળે. જિંદગી લાંબી સડક, [...]
2011 ના ઈસુના નવા વર્ષ નિમિત્તે સર્વ વાચકમિત્રોને શુભકામનાઓ. લાગણીના ગામમાં ઘેઘૂર ગરમાળા હશે, ભીંતના નામે ગૂંથેલા એક-બે જાળા હશે. સદ્યસ્નાતા સુંદરીના કેશક્લાપોમાં મઢ્યા, ફૂલના આકાર સરખા છીપ-પરવાળા હશે. આસમાની ઓઢણી પ્હેરી પળેપળ ઝૂમતાં, રં ગ બે રં ગી પતંગા કૈંક રૂપાળા હશે. રાતભર પહેરો હશે ત્યાં ચાંદ પૂનમનો, અને તારલાઓએ ભર્યા ક્ષણવાર ઉચાળા હશે. [...]
