Press "Enter" to skip to content

સંવેદનાની પાળ પર

અશ્રુઓ જેવી રીતે સંવેદનાની પાળ પર,
કૂંપળોની સાથ ટહુકાઓ ફૂટે છે ડાળ પર.

દોસ્ત, તેં સરનામું આપ્યું એટલે સારું થયું,
હું તો પ્હોંચી જાત નહીંતર આપણી નિશાળ પર.

રોજ વૃદ્ધોને એ મળવા જાય છે કાઢી સમય,
શી રીતે નફરત કરો એ સહૃદયી કાળ પર.

સાંજની જાહોજલાલી સૂર્યને પોસાય ના,
ક્યાં લગી ગુજરાન ચાલે રોશનીની દાળ પર.

દર્દ, આંસુ કે મુહોબ્બત, એ નભાવી લે બધું,
જિંદગી અટકી પડે છે શ્વાસના છિનાળ પર.

આંગળી પકડી ચલાવો મત્લાથી મક્તા સુધી,
પણ ગઝલ લપસી જવાની લાગણીના ઢાળ પર.

ફૂલ પર ‘ચાતક’ મૂકે કેવી રીતે એનાં ચરણ,
એટલે ચાલ્યા કરે છે એ સડક કાંટાળ પર.

– © દક્ષેશ કોન્ટ્રાકટર ‘ચાતક’

6 Comments

  1. અશોક જાની 'આનંદ'
    અશોક જાની 'આનંદ' February 25, 2016

    ખૂબ સુંદર મત્લા, આની શે’ર પણ સુંદર અભિવ્યક્તિ સભર …

    સવાર સુધરી ગઈ.. મિત્ર !!

    • Daxesh
      Daxesh March 10, 2016

      Thank you Ashokbhai

  2. Rina
    Rina February 25, 2016

    આંગળી પકડી ચલાવો મત્લાથી મક્તા સુધી,
    પણ ગઝલ લપસી જવાની લાગણીના ઢાળ પર.

    Beautiful

  3. Rekha Shukla
    Rekha Shukla February 25, 2016

    Beautiful gazal and all matla nice but like this one more
    આંગળી પકડી ચલાવો મત્લાથી મક્તા સુધી,
    પણ ગઝલ લપસી જવાની લાગણીના ઢાળ પર.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.