અખાતી નથી

સૌ મિત્રોને દિપાવલી અને નૂતન વર્ષની અઢળક શુભેચ્છાઓ ..
*
થોડી ધીરજ સમયથી રખાતી નથી,
જિંદગી બે જ પળમાં લખાતી નથી.

તું નહીં આવે એનીય આવે ખબર,
સાંજ પડતાં જ બારી વખાતી નથી.

આંખના આંસુઓ છોને મોતી કહ્યા,
પાંપણોના પ્રદેશો અખાતી નથી.

ઓ ખુદા, તું કશે એવી સગવડ તો કર,
જિંદગી લીધા પહેલાં ચખાતી નથી.

નામ ‘ચાતક’ છે એથી થઈ શું ગયું,
બેડીઓ આંખ ઉપર નખાતી નથી.

– દક્ષેશ કોન્ટ્રાકટર ‘ચાતક’

COMMENTS (14)
Reply

જૂજ વપરાતા કાફિયાનો સરસ વિનિયોગ…

મજાની ગઝલ…

    Thank you Ashokbhai ..:)

Reply

ક્યા બાત હૈ…

    Thank you Anilbhai … shukriya

Reply

ઓ ખુદા તું કશે એવી સગવડ તો કર
ઝીંદગી લીધા પહેલા ચખાતી નથી

બહુ સરસ. હું સમજતો હતો કે અમો મુસલમાન જ અલ્લાહને ખુદા તરીકે સંબોધીએ છીયે, પરંતુ આ રચનાથી ખબર પડી કે ગેર મુસ્લિમો પણ ખુદામાં શ્રદ્ધા ધરાવે છે

    અબ્દુલભાઈ,
    ઈશ્વર, ખુદા, સાહેબ કે પ્રભુ .. જે લખો એ બધા અંતે તો એક જ છે… ખરું ને ?
    તમને મારી અન્ય ગઝલનો આ શેર પણ ગમશે ..
    એ જ આશાથી હજી હું જાઉં છું મસ્જિદ મહીં,
    કમ-સે-કમ ત્યાં આદમી ઈમાનથી પરખાય છે.
    – ચાતક

Reply

જિંદગી લીધા પહેલાં ચખાતી નથી.
નામ ‘ચાતક’ છે એથી થઈ શું ગયું,
બેડીઓ આંખ ઉપર નખાતી નથી.
– દક્ષેશ કોન્ટ્રાકટર ‘ચાતક’
Superb Daxeshbhai 🙂

    Thank you Rekhaben !

Reply

Happy Diwali and prosperous New year and Namastee!

    Thank you Jayeshbhai and wishing same to you.

Reply

Very nice ghazal

    Thank you Kishorbhai !

Reply

સરસ છે ગઝલ…

    Thank you Anilbhai ..:)

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)