Press "Enter" to skip to content

રદિયો આપવા માટે

સમયના હાથમાં થોડી ખુશીઓ આપવા માટે,
અમે મીંચી દીધી આંખોને સ્વપ્નો આપવા માટે.

સરિતાની કહાણી છાપવાની કોને ફુરસદ છે ?
ફના થઈ જાય એ છોને દરિયો આપવા માટે.

અમે તો ધારી બેઠા કે તમે કેવળ અમારા છો,
નજર થોડી હટાવો આપ રદિયો આપવા માટે.

તમે વાંચી ગયાં જેને ગણીને શ્યાહીનાં અક્ષર,
અમારું ખૂન રેડાયું એ શબ્દો આપવા માટે.

વિલંબિત શ્વાસ એનાં સ્પર્શથી થઈ જાય છે બેફામ,
હૃદય નાનું પડે છે જેને તખ્તો આપવા માટે.

લખું છું નામ મક્તામાં હું ‘ચાતક’ બસ પ્રણાલીથી,
ખુદા, આભાર તારો આવી ગઝલો આપવા માટે.

– © દક્ષેશ કોન્ટ્રાકટર ‘ચાતક’

4 Comments

  1. Kishore Modi
    Kishore Modi March 25, 2015

    નવી રદીફ-કાફિયામાં સુંદર ગઝલ અાપવા માટે અાભાર

    • Daxesh
      Daxesh April 10, 2015

      પ્રતિભાવ બદલ આભાર.

  2. અશોક જાની 'આનંદ'
    અશોક જાની 'આનંદ' March 25, 2015

    સરિતાની કહાણી છાપવાની કોને ફુરસદ છે ?
    ફના થઈ જાય એ છોને દરિયો આપવા માટે… વાહ !

    મજાની ગઝલ.. મસ્ત મકતા .. !!

    • Daxesh
      Daxesh April 10, 2015

      Thank you Ashokbhai !

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.