ઓકાત હોવી જોઈએ

કોણ કહે છે સ્વપ્ન માટે રાત હોવી જોઈએ,
દૃશ્ય જોવાની ફકત ઓકાત હોવી જોઈએ.

વાદળોને તેડવાથી આંગણાં પલળે નહીં,
ઝાડ જેવી આપણી મિરાત હોવી જોઈએ.

આંખ ભીની થાય એ માટેની પૂર્વધારણા,
ભીતરે અંગાર જેવી વાત હોવી જોઈએ.

શક્યતા સઘળી મિલનની એ પછીથી ઉદભવે,
લાગણીની સૌપ્રથમ રજૂઆત હોવી જોઈએ.

જે જગાએ પ્હોંચવું હો જિંદગીમાં આપણે,
એ પ્રમાણે પંથની શરૂઆત હોવી જોઈએ.

મંઝિલો આવીને ચૂમી લે સ્વયં ‘ચાતક’ ચરણ,
ઝંખનામાં એટલી તાકાત હોવી જોઈએ.

– © દક્ષેશ કોન્ટ્રાકટર ‘ચાતક’

COMMENTS (14)
Reply

Wah.. nice

    Thank you Rina ji!

Reply

વાહ ક્યા બાત હૈ !! બાત મેં દમ હૈ …. keep it up.

    Thank you Yogeshbhai !

Reply

મસ્ત મતા સહિતની આખી ગઝલ સુંદર અને સશક્ત અભિવ્યંજનાથી ભરપૂર.. !!

પૂર્વધારણામાં વજન સહેજ તૂટે છે..

    અશોકભાઈ, પ્રતિભાવ બદલ આભાર. તમારી વાત સાચી છે પણ પઠનમાં યોગ્ય ભાર મૂકવાથી વાંધો નથી આવતો એથી એ છૂટ લીધી છે.

Reply

ઉપરના પ્રતિભાવમાં ‘મતા’ની જગ્યાએ ‘મક્તા’ વાંચવું …

Reply

વાહહહહ સુંદર ગઝલ સર

    Thank you Ashokbhai !

Reply

નખશિખ સુંદર ગઝલ

    આભાર કિશોરભાઈ.

Reply

Very Nice… Daxeshbhai.

સુંદર ગઝલ….. ઓકાત હોવી જોઈએ.

Reply

મંઝિલો આવીને ચૂમી લે સ્વયં ‘ચાતક’ ચરણ,
ઝંખનામાં એટલી તાકાત હોવી જોઈએ.
Strong Will power .. Nice .. Very good Daxeshbhai

    Thank you Manharbhai

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)