Press "Enter" to skip to content

એક ચોમાસું પલળે છે આંખમાં

એક ચોમાસું પલળે છે આંખમાં.

ડાળીથી પાંદડાઓ છૂટાં પડે છે આ પાનખરમાં એવી કૈં રીતે,
છૂટાં પડી ગયા પગલાંઓ કેડીથી આપણાં પણ અધૂરી પ્રીતે.
(હવે) શીર્ષક વિનાની ઘણી વાર્તાઓ ભીંજાતી આવે છે મળવા વરસાદમાં … એક ચોમાસું

આવીશ કહી તમે એવા ગયાં કે પછી સપનાંય આવ્યા ન આંખમાં,
પડતું મૂકીને મારી પાંપણથી પૂરે છે આંસુઓ કુવા બે આંખના,
આવી શકાય ના, એવુંય કહેવાને, આવશો એવા વિશ્વાસમાં… એક ચોમાસું

આપણા હથેળીની રેખાઓ જાણે કે ફૂટી આવી છે મારી ભીંતે,
લાગે છે શર્ત રોજ મારી ઘડીયાળથી, હું હારું કે કાંટાઓ જીતે,
‘ચાતક’ બની બેય બારસાખ ઊભા છે તારા જ પગલાંના સાદમાં … એક ચોમાસું

– © દક્ષેશ કોન્ટ્રાકટર ‘ચાતક’

6 Comments

  1. Ketul
    Ketul September 10, 2014

    અત્યંત લાગણી અને વેદનાસભર રચના. ખૂબ સુંદર.

  2. Naren Jhadakia
    Naren Jhadakia September 10, 2014

    very nice…

  3. Narendrasinh
    Narendrasinh September 10, 2014

    ભીના ભીના મૌસમમાં ભીની ભીની યાદો … અત્યંત સુંદર કવિતા.

  4. અશોક જાની 'આનંદ'
    અશોક જાની 'આનંદ' September 10, 2014

    સુંદર ભાવવાહી ગીત

  5. Sudhir Patel
    Sudhir Patel September 14, 2014

    સુંદર ભાવવાહી ગીત!

  6. Dhruti Modi.
    Dhruti Modi. September 16, 2014

    અંતરની સંવેદનાને વાચા અાપતું મનભાવન ગીત

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.