Press "Enter" to skip to content

હર ક્ષણે અકબંધ છે

જિંદગી તકદીર ને પુરુષાર્થ વચ્ચે જંગ છે,
સ્મિત ને આંસુ તો કેવળ કર્મના ફરજંદ છે.

પારકાંનું દુઃખ જોઈને હૃદય તારું રડે,
એ ક્ષણે તું માનજે કે તુંય મોટો સંત છે.

ટોચ પર પહોંચ્યા પછી એ સત્ય સમજાશે તને,
આભ જેવા આભનો પણ આખરે તો અંત છે.

મિત્ર, તું જેની વ્યથાના દમ ઉપર રોઈ રહ્યો,
એ જ તારી આવનારી કાલનો આનંદ છે.

તું સમયની ખાંભીઓને શ્વાસથી ચણતો નહીં,
શક્યતાઓ જિંદગીની હર ક્ષણે અકબંધ છે.

મારજે ‘ચાતક’ ટકોરા તું ફકત વિશ્વાસથી,
બારણાં એણે કરેલા એ જ આશે બંધ છે.

– © દક્ષેશ કોન્ટ્રાકટર ‘ચાતક’

8 Comments

  1. Balvant Patel
    Balvant Patel February 20, 2014

    પારકાંનું દુઃખ જોઈને હૃદય તારું રડે,
    એ ક્ષણે તું માનજે કે તુંય મોટો સંત છે.

    વાહ બહુ જ સરસ.
    અભિનંદન !

  2. Vibhutibhushan
    Vibhutibhushan February 20, 2014

    મારજે ‘ચાતક’ ટકોરા તું ફકત વિશ્વાસથી,
    બારણાં એણે કરેલા એ જ આશે બંધ છે.

    ખુબ જ સરસ.

  3. Rajendar Parekh
    Rajendar Parekh February 20, 2014

    ખુબ જ સરસ

  4. Abdul Ghaffar Kodvavi
    Abdul Ghaffar Kodvavi February 20, 2014

    પારકાનું દુઃખ જોઈને હૃદય તારું રડે
    એ ક્ષણે તું માનજે કે તુંય મોટો સંત છે’
    વાહ ભાઈ વાહ
    બાળપણમાં કઇંક આવું વાંચેલ હતું,
    દુઃખી કે દર્દી કે કોઈ ભુલેલા માર્ગ વાળાને વિસામો આપવા તમારા શુદ્ધ્ર હૃદયની ઉઘાડી રાખજો બારી, આમાં હૃદયને સુધ્ધ રાખવા ઉપર ભાર આપવામાં આવ્યું છે.

  5. Kishore Modi
    Kishore Modi February 20, 2014

    પારકાનું દુઃખ જોઇને હૃદય તારું રડે,
    ઍ ક્ષણે તું માનજે કે તુંય મોટો સંત છે.
    ખૂબ સુંદર તાજા ગઝલ

  6. Vinoo Sachania
    Vinoo Sachania February 23, 2014

    ચાતક શુ કહુ તને આજે કેટલાક સંતોને એક જ ક્ષણમાં હૈયાધારણા મળી ગઈ છે .
    અને સમજાયુ તેને કે કોઈ ચાતક તેને સંત સમજે છે…

  7. Manhar V.Baria
    Manhar V.Baria March 26, 2014

    વાહ દક્ષેશભાઇ
    ટોચ પર પહોંચ્યા પછી એ સત્ય સમજાશે તને,
    આભ જેવા આભનો પણ આખરે તો અંત છે.

    અદભુત
    માણસ આ સત્ય હજી સમજતો નથી.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.