Press "Enter" to skip to content

રાણી મળે નહીં

પાણી જપો પણ પાણી મળે નહીં,
તરસના દેશમાં વાણી મળે નહીં.

તકદીરના કિસ્સા ઘડા જેવા હોય,
ભાગ્યરેખાઓ કાણી મળે નહીં.

આંસુને પૂછો તો તરત બોલશે,
લાગણી હંમેશા શાણી મળે નહીં.

પ્રેમના ઘરે કાયમની મોંકાણ,
ગોળ મળે પણ ધાણી મળે નહીં.

‘ચાતક’ના હાથમાં બાવન પત્તાં,
રાજા ખરાં પણ રાણી મળે નહીં.

– © દક્ષેશ કોન્ટ્રાકટર ‘ચાતક’

8 Comments

  1. Narendrasinh
    Narendrasinh October 25, 2013

    પ્રેમના ઘરે કાયમની મોંકાણ,
    ગોળ મળે પણ ધાણી મળે નહીં.
    અતિ સુન્દર રચના.

  2. Rina
    Rina October 25, 2013

    Waaaaaaahhhh. ….

  3. Rekha Shukla (Chicago)
    Rekha Shukla (Chicago) October 25, 2013

    પાણી જપો પણ પાણી મળે નહીં,
    તરસના દેશમાં વાણી મળે નહીં

    વાહ વાહ ખુબ મસ્ત મસ્ત !!

  4. અશોક જાની 'આનંદ'
    અશોક જાની 'આનંદ' October 26, 2013

    ‘ચાતક’ના હાથમાં બાવન પત્તાં,
    રાજા ખરાં પણ રાણી મળે નહીં….સુંદર, જો કે પત્તાં બાવન નહીં ચાર ઓછાં હશે.

    સુંદર ગઝલ..

  5. Anila Patel
    Anila Patel October 26, 2013

    સરસ કલ્પના અને ગઝલ.

  6. Pravin Shah
    Pravin Shah November 2, 2013

    ‘ચાતક’ના હાથમાં બાવન પત્તાં,
    રાજા ખરાં પણ રાણી મળે નહીં.

    સાચી વાત કહી. એકાદ શોધી આપજો.
    મક્તા સહિત સુંદર ગઝલ !

  7. Sudhir Patel
    Sudhir Patel November 3, 2013

    ખૂબ સુંદર ગઝલ્!
    સૌને શુભ દિપાવલી અને નૂતન વર્ષાભિનંદન!

    સુધીર પટેલ.

  8. Kishore Modi
    Kishore Modi November 15, 2013

    સરળ બાનીમાં વહી જતી માર્મિક ગઝલ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.