Press "Enter" to skip to content

દરિયો ઉધાર દે

દર્પણના ગામમાં મને દૃશ્યો ઉધાર દે,
બે-ચાર આંખમાં મને સ્વપ્નો ઉધાર દે.

બાકીની જિંદગી તને આપી દઉં પ્રભુ,
વીતી ગયેલ કાલનો ટુકડો ઉધાર દે.

બે-ચાર પ્રેમની પળો આપી નહીં શકું,
બદલામાં તું ભલે મને સદીઓ ઉધાર દે.

પરવરદિગાર માફ કર મારા ગુનાહ ને,
મારી શરમને ઢાંકવા પરદો ઉધાર દે.

પ્હોંચી શકાય શી રીતે તારા નગર સુધી,
મંઝિલ મળી ગઈ મને, રસ્તો ઉધાર દે.

શંકાના ગામથી જવું શ્રધ્ધા-શિખર સુધી,
ભટકી પડે ચરણ કદી, નક્શો ઉધાર દે.

તારા દરશની ઝંખના શમતી નથી પ્રભુ,
મારી તરસને ખાળવા દરિયો ઉધાર દે.

‘ચાતક’ લખી લખી અને થાકી ગયો પ્રભુ,
તારા હૃદય લગી જવા શબ્દો ઉધાર દે.

– © દક્ષેશ કોન્ટ્રાકટર ‘ચાતક’

10 Comments

  1. અશોક જાની 'આનંદ'
    અશોક જાની 'આનંદ' June 4, 2012

    શંકાના ગામથી જવું શ્રધ્ધા-શિખર સુધી,
    ભટકી પડે ચરણ કદી, નક્શો ઉધાર દે. ….વાહ,
    મજાની ગઝલ…!! બધાં જ શે’ર સુંદર થયાં છે.

  2. Narendra Jagtap
    Narendra Jagtap June 4, 2012

    શંકાના ગામથી જવું શ્રધ્ધા-શિખર સુધી,
    ભટકી પડે ચરણ કદી, નક્શો ઉધાર દે……

    વાહ વાહ બહોત ખુબ ….સુંદર રચના…..ગમી

  3. Anil Chavda
    Anil Chavda June 4, 2012

    તારા દરશની ઝંખના શમતી નથી પ્રભુ,
    મારી તરસને ખાળવા દરિયો ઉધાર દે.

    કાયમ આવી ગઝલો અમને વાંચવા ઉધાર દીધા કરો… ક્યા બાત હૈ…

  4. Kishore Modi
    Kishore Modi June 4, 2012

    શંકાના ગામથી જવું શ્રદ્ધા-શિખર સુધી,
    ભટકી પડે ચરણ કદી, નકશો ઉધાર દે.
    સુંદર મક્તા સાથે સરસ ગઝલ

  5. Pravin Shah
    Pravin Shah June 6, 2012

    તારા હૃદય લગી જવા શબ્દો ઉધાર દે…. વાહ !
    સુંદર મક્તા અને આ પણ..
    શંકાના ગામથી જવું શ્રધ્ધા-શિખર સુધી,
    ભટકી પડે ચરણ કદી, નક્શો ઉધાર દે…

  6. Rekha Shukla (Chicago)
    Rekha Shukla (Chicago) June 6, 2012

    પરવરદિગાર માફ કર મારા ગુનાહ ને,
    મારી શરમને ઢાંકવા પરદો ઉધાર દે.

    ખુબ સુન્દર …!!

  7. Pancham Shukla
    Pancham Shukla June 22, 2012

    બધા જ શેર ગમી જાય એવા છે.

  8. Sudhir Patel
    Sudhir Patel June 24, 2012

    ખૂબ સુંદર ગઝલ!
    સુધીર પટેલ.

  9. Paresh Bambhaniya
    Paresh Bambhaniya October 1, 2012

    ખૂબ સુંદર ગઝલ!

  10. Paresh Bambhaniya
    Paresh Bambhaniya October 1, 2012

    મનગમતા નામને ઉમર ના હોય, એ તો ગમે ત્યારે હાથ પર લખાય,
    મૌસમને જોઈને ફુલ નથી ખીલતા, પણ ફુલના ખીલવાથી મૌસમ બદલાય.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.