Press "Enter" to skip to content

શબ્દ વિના ટળવળે

લાગણીઓ શબ્દ વિના ટળવળે,
વૃક્ષ કોઈ ફૂલ વિના ના ફળે.

ભીંત સાથે વ્હાલથી વાતો કરો,
એ છતાંયે કોઈનું ક્યાં સાંભળે ?

સૂર્યકીરણથી પ્રથમ ઝળહળ બને,
જાત ઝાકળની પછી ભડકે બળે.

આ ગઝલનો એટલો ઉપકાર કે,
વાત હૈયાની અહીં કહેવા મળે.

શ્વાસ કેવળ એક એવી દોર જે,
વિશ્વના સઘળા મનુજને સાંકળે.

ટેરવાના સ્પર્શથી જેને મઢી,
એ જ અંગૂઠી મળે ના આંગળે.

કોઈ ઘટના બર્ફથી પણ શીત છે,
એ જ કારણ દાંત ‘ચાતક’ના કળે.

– © દક્ષેશ કોન્ટ્રાકટર ‘ચાતક’

9 Comments

  1. અશોક જાની 'આનંદ'
    અશોક જાની 'આનંદ' May 21, 2012

    આ ગઝલનો એટલો ઉપકાર કે,
    વાત હૈયાની અહીં કહેવા મળે.

    ખૂબ સરસ કહ્યું દક્ષેશભાઇ..!!!
    હમ રદીફ કાફિયા સાથેની મજાની ગઝલ…

  2. Manubhai
    Manubhai May 21, 2012

    આ ઘટનાનું જ પરિણામ કહેવાય ને ?
    – આભાર !

  3. Anil Chavda
    Anil Chavda May 21, 2012

    આ ગઝલનો એટલો ઉપકાર કે,
    વાત હૈયાની અહીં કહેવા મળે.

    બહોત ખૂબ દક્ષેશભાઈ…
    તમારી કવિતા ગઝલને રળિયાત કરે છે અને અને ગઝલ તમારી કવિતાને…

    કાવ્યાનંદ…

  4. Kishore Modi
    Kishore Modi May 21, 2012

    ટૂકી બહેરમાં સરસ ગઝલ.

  5. Rekha Shukla (Chicago)
    Rekha Shukla (Chicago) May 22, 2012

    સૂર્યકીરણથી પ્રથમ ઝળહળ બને,
    જાત ઝાકળની પછી ભડકે બળે.

    ગઝલ બની ઘટના થકી તોય ક્યાં આરામ મળે ?
    ..ખુબ સરસ ગઝલ … હૈયા વરાળ ..ને જો હવે શાંતિ મળે..!!

  6. Pravin Shah
    Pravin Shah May 23, 2012

    વાત હૈયાની અહીં કહેવા મળે….
    સરસ વાત કહી દક્ષેશભાઈ !
    ટૂંકી બહરમાં સુંદર રચના !
    અભિનંદન !

  7. Devesh Dave
    Devesh Dave November 22, 2012

    Dear Daxeshbhai,
    memorable meeting with you at swargarohan, i am very much happy to read your Ghazals, your depth in thoughts, i will compose ghazal written by you, please convey on mail acc
    devesh ni Yaadi

  8. આરતી પરીખ
    આરતી પરીખ April 23, 2016

    વાહ

Leave a Reply to Pravin Shah Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.