શબ્દ વિના ટળવળે

લાગણીઓ શબ્દ વિના ટળવળે,
વૃક્ષ કોઈ ફૂલ વિના ના ફળે.

ભીંત સાથે વ્હાલથી વાતો કરો,
એ છતાંયે કોઈનું ક્યાં સાંભળે ?

સૂર્યકીરણથી પ્રથમ ઝળહળ બને,
જાત ઝાકળની પછી ભડકે બળે.

આ ગઝલનો એટલો ઉપકાર કે,
વાત હૈયાની અહીં કહેવા મળે.

શ્વાસ કેવળ એક એવી દોર જે,
વિશ્વના સઘળા મનુજને સાંકળે.

ટેરવાના સ્પર્શથી જેને મઢી,
એ જ અંગૂઠી મળે ના આંગળે.

કોઈ ઘટના બર્ફથી પણ શીત છે,
એ જ કારણ દાંત ‘ચાતક’ના કળે.

– © દક્ષેશ કોન્ટ્રાકટર ‘ચાતક’

COMMENTS (9)
Reply

આ ગઝલનો એટલો ઉપકાર કે,
વાત હૈયાની અહીં કહેવા મળે.

ખૂબ સરસ કહ્યું દક્ષેશભાઇ..!!!
હમ રદીફ કાફિયા સાથેની મજાની ગઝલ…

Reply

આ ઘટનાનું જ પરિણામ કહેવાય ને ?
– આભાર !

આ ગઝલનો એટલો ઉપકાર કે,
વાત હૈયાની અહીં કહેવા મળે.

બહોત ખૂબ દક્ષેશભાઈ…
તમારી કવિતા ગઝલને રળિયાત કરે છે અને અને ગઝલ તમારી કવિતાને…

કાવ્યાનંદ…

Reply

ટૂકી બહેરમાં સરસ ગઝલ.

સૂર્યકીરણથી પ્રથમ ઝળહળ બને,
જાત ઝાકળની પછી ભડકે બળે.

ગઝલ બની ઘટના થકી તોય ક્યાં આરામ મળે ?
..ખુબ સરસ ગઝલ … હૈયા વરાળ ..ને જો હવે શાંતિ મળે..!!

વાત હૈયાની અહીં કહેવા મળે….
સરસ વાત કહી દક્ષેશભાઈ !
ટૂંકી બહરમાં સુંદર રચના !
અભિનંદન !

Reply

Dear Daxeshbhai,
memorable meeting with you at swargarohan, i am very much happy to read your Ghazals, your depth in thoughts, i will compose ghazal written by you, please convey on mail acc
devesh ni Yaadi

Reply

વાહ

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)