જીહજૂરી હોય છે
કૈંક ઈચ્છાઓ અધૂરી હોય છે,
જિંદગી તોયે મધૂરી હોય છે.
દ્રાક્ષ ખાટી દર વખત હોતી નથી,
જીભ પણ ક્યારેક તૂરી હોય છે.
એક છત નીચે રહે બે માનવી,
જોજનોની તોય દૂરી હોય છે.
એ પથારીમાં પછી પડખાં ઘસે,
યાદને જેણે વલૂરી હોય છે.
રણ થવાનું એટલું સહેલું નથી,
લાગણી ઊંડે ઢબૂરી હોય છે.
શક્ય છે, શ્રધ્ધા કદીયે ડગમગે,
સાથ દેવાને સબૂરી હોય છે.
જે બને રોનક હજારો આંખની,
દોસ્ત, એનું નામ નૂરી હોય છે.
આ ગઝલ, ‘ચાતક’ લખાયે શી રીતે ?
શબ્દ સાથે જીહજૂરી હોય છે.
- દક્ષેશ કોન્ટ્રાકટર ‘ચાતક’
January 16th, 2012 at 2:47 am
રણ થવાનું એટલું સહેલું નથી,
લાગણી ઊંડે ઢબૂરી હોય છે.
આ ગઝલ, ‘ચાતક’ લખાયે શી રીતે ?
શબ્દ સાથે જીહજૂરી હોય છે.
સરસ ગઝલ.
January 16th, 2012 at 5:49 am
એ પથારીમાં પછી પડખાં ઘસે,
યાદને જેણે વલૂરી હોય છે. સરસ ગઝલ દક્ષેશભાઈ..
January 16th, 2012 at 7:49 am
શબ્દ સાથે કે પોતાની સાથે જીહજૂરી અધુરી અને મધુરી એક જ સમયે હોય છે તેથી એક છત તળે એક જ માનવીમાં -જોજનોની (તોય)દૂરી હોય છે.
January 16th, 2012 at 8:43 am
જિંદગી તોયે મધૂરી હોય છે…
સરસ વાત કહી દક્ષેશભાઈ. બધા જ શેર સરસ અને આસ્વાદ્ય થયા છે.
શબ્દ સાથેની જીહજૂરી કવિઓને તો ભારે જ પડે !
અભિનંદન !
January 16th, 2012 at 9:16 am
સરસ ગઝલ.
January 16th, 2012 at 11:49 am
એ પથારીમાં પછી પડખાં ઘસે,
યાદને જેણે વલૂરી હોય છે.
રણ થવાનું એટલું સહેલું નથી,
લાગણી ઊંડે ઢબૂરી હોય છે.
વાહ….ઉપરોક્ત ઉલ્લેખનીય શે’ર સાથેની પુરી ગઝલ આસ્વાદ્ય
January 16th, 2012 at 8:17 pm
દ્રાક્ષ ખાટી દર વખત હોતી નથી,
જીભ પણ ક્યારેક તૂરી હોય છે.
એક છત નીચે રહે બે માનવી,
જોજનોની તોય દૂરી હોય છે.
એ પથારીમાં પછી પડખાં ઘસે,
યાદને જેણે વલૂરી હોય છે………ખુબ જ સરસ મઝાના શેર …વાહ વાહ અભિનંદન
January 16th, 2012 at 9:20 pm
ખુબ જ ગમી ગઝલ અને સૌથી વધુ આ શેર ગમ્યો …
એક છત નીચે રહે બે માનવી,
જોજનોની તોય દૂરી હોય છે.
January 16th, 2012 at 10:39 pm
સરસ વાત વણી છે દક્ષેશભાઇ,
ગઝલ નખશિખ આસ્વાદ્ય રહી-અભિનંદન.
February 20th, 2012 at 7:51 pm
વાહ્, કયા બાત હૈ!