Press "Enter" to skip to content

સીનો તંગ છે !

જિંદગી, તારો અજાયબ રંગ છે,
શ્વાસ ફીક્કા તોય સીનો તંગ છે !

એ નથી સાથે તો એથી શું થયું,
એમની યાદો તો તારી સંગ છે !

એમણે ચહેરો બતાવ્યો’તો કદી,
આયનો આજેય એથી દંગ છે.

એમને અડસઠ ભલે પૂરા થયા,
એ હજી તસવીરમાં તો યંગ છે.

જે ગળે આવે ઉલટથી ગાઈ જા,
પ્રેમભીનાં ગીત સહુ અભંગ છે.

મોત અણધાર્યો વિસામો છે અહીં,
જિંદગીની જાતરા સળંગ છે.

શું કહે ‘ચાતક’ પ્રતિક્ષાની વિશે,
ના કદી જીતાય એવો જંગ છે.

– દક્ષેશ કોન્ટ્રાકટર ‘ચાતક’

8 Comments

  1. Sudhir Patel
    Sudhir Patel December 12, 2011

    ખૂબ સુંદર ગઝલ!
    સુધીર પટેલ.

  2. Himanshu Patel
    Himanshu Patel December 12, 2011

    સરસ પ્રેમે પાયો રસ પીધો ભઈ ધરઈને-
    જે ગળે આવે ઉલટથી ગાઈ જા,
    પ્રેમભીનાં ગીત સહુ અભંગ છે.

  3. Sunil Shah
    Sunil Shah December 12, 2011

    સરસ ગઝલ…

  4. Pragnaju
    Pragnaju December 12, 2011

    સુંદર ગઝલ
    આ શેર વધુ ગમ્યા
    જે ગળે આવે ઉલટથી ગાઈ જા,
    પ્રેમભીનાં ગીત સહુ અભંગ છે.

    મોત અણધાર્યો વિસામો છે અહીં,
    જિંદગીની જાતરા સળંગ છે

  5. P Shah
    P Shah December 13, 2011

    સુંદર ગઝલ !
    બધા જ શેર સરસ થયા છે.
    ચહેરો જોઈને અરીસા તો દંગ જ રહી ગયા અને
    ના કદી જીતાય એવો પ્રતિક્ષાનો જંગ આ બે વાતો ખૂબ ગમી.
    જાણીતા કાફિયા સરસ રીતે નિભાવ્યા છે.
    અભિનંદન દક્ષેશભાઈ !

  6. અશોક જાની 'આનંદ'
    અશોક જાની 'આનંદ' December 13, 2011

    સુંદર ગઝલના મત્લા અને મક્તા બંને ખુબ સરસ.
    પાંચમા અને છટ્ઠા શે’રમાં કાફિયાને કારણે છંદ સહેજ ખોડંગાય છે, દક્ષેશભાઈ, જોઈ લેશો..બાકી ગઝલે ખુબ આનંદ આપ્યો.

  7. Rajeev Maniar
    Rajeev Maniar December 21, 2011

    Excellent ! That’s what one can say

Leave a Reply to Sudhir Patel Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.