Press "Enter" to skip to content

માધવ મળે નહીં

આંખોમાં ઈંતજારના કાગળ મળે નહીં,
રાધા થયા વિના અહીં માધવ મળે નહીં.

સીતાની શોધમાં ભલે ભટક્યા કરે જગત,
નિષ્ફળ રહે તલાશ જ્યાં રાઘવ મળે નહીં.

એ દ્વારિકા-અધીશ પણ કંગાળ કેટલો,
ગોપીજનોના પ્રેમનો પાલવ મળે નહીં.

હૈયાની વેદના લખે રાધા કઈ રીતે,
પ્હોંચી શકે ભવન સુધી વાદળ મળે નહીં.

કા’નાના નામથી સતત ભીંજાય આંખડી,
રોકી શકે વિષાદને સાંકળ મળે નહીં.

‘ચાતક’ કહી શકત કદી ઉત્તરમાં એમને
જોયા, પરંતુ નામમાં યાદવ મળે નહીં.

– દક્ષેશ કોન્ટ્રાકટર ‘ચાતક’

7 Comments

  1. Himanshu Patel
    Himanshu Patel December 1, 2011

    ગુજરાતી અભિવ્યક્તિનું સદાબહાર સંવેદન ખૂબ સરસ અને ફ્યુજનથી વ્યક્ત થયું છે.
    હૈયાની વેદના લખે રાધા કઈ રીતે,
    પ્હોંચી શકે ભવન સુધી વાદળ મળે નહીં.

  2. Narendra Jagtap
    Narendra Jagtap December 1, 2011

    ખરે ખર ખુબ જ સરસ ગઝલ … અને સરસ વિષય… મને ખુબ જ ગમી… અભિનંદન

  3. Pragnaju
    Pragnaju December 2, 2011

    ખૂબ સુંદર ગઝલ. મત્લાનો શેર વાહ.
    યાદ
    જુકો કાનુડેજો સતત રટણ કરેતી
    આરાધના કરેતી ઉપાસના કરેતી
    સે રાધા ત સામે કાનુડો
    જેંજી ઉપાસના કરેતો સે રાધા

  4. Sudhir Patel
    Sudhir Patel December 3, 2011

    ખૂબ સુંદર ગઝલ!
    મત્લાનો શે’ર લાજવાબ છે!
    સુધીર પટેલ.

  5. Kishore Modi
    Kishore Modi December 5, 2011

    સરસ મિથીકલ ગઝલ.

  6. અશોક જાની 'આનંદ'
    અશોક જાની 'આનંદ' December 6, 2011

    સુંદર મત્લા.. મજાની ગઝલ..!
    મણવાની મજા પડી……..

Leave a Reply to Narendra Jagtap Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.