Press "Enter" to skip to content

મોતને મારી શકે ?

કાળને ક્યારેક હંફાવી શકે,
આદમી શું મોતને મારી શકે ?

ને કિનારે રાહ જોતા સેંકડો,
એકને મઝધારથી તારી શકે ?

આગિયાના તેજથી ઝળહળ બની,
કોઈ સૂરજને કદી ડારી શકે ?

શ્વાસ ને સંવેદનાના જે ધની,
જિંદગીને કોઈ દિ’ હારી શકે ?

એક શીશી પારકા ગ્લિસરીનથી
કોઈ આંસુ ક્યાં સુધી સારી શકે ?

તું પ્રતીક્ષાની કરે ફરિયાદ, પણ
નામ ‘ચાતક’ એ વિના ધારી શકે ?

– દક્ષેશ કોન્ટ્રાકટર ‘ચાતક’

10 Comments

  1. Pancham Shukla
    Pancham Shukla November 3, 2011

    સરસ ગઝલ.

    એક શીશી પારકા ગ્લિસરીનથી
    કોઈ આંસુ ક્યાં સુધી સારી શકે ?
    (નવા જ પ્રતીકો).

  2. Pragnaju
    Pragnaju November 3, 2011

    સુંદર ગઝલનો મઝાનો મત્લા
    કાળને ક્યારેક હંફાવી શકે,
    આદમી શું મોતને મારી શકે ?

    મૃતકને બદલે મૃત્યુ સાથે સંકળાયેલી ઔપચારિકતાઓની વાત આવે ત્યારે મૃત્યુની મજાક ઉડાડવાનો- તેની ગંભીરતા વેરવિખેર કરવાનો સૌથી જાણીતો-સમાજસ્વીકૃત પ્રસંગ છેઃ બેસણું. ‘મૃત્યું મરી ગયું રે લોલ’ એવો સાહિત્યિક કે ફિલસૂફીભર્યો નહીં, પણ વાસ્તવિક અહેસાસ !!

  3. સુનીલ શાહ
    સુનીલ શાહ November 3, 2011

    એક શીશી પારકા ગ્લિસરીનથી
    કોઈ આંસુ ક્યાં સુધી સારી શકે ?

    વાહ… સુંદર.

  4. Kishore Modi
    Kishore Modi November 3, 2011

    સુંદર ગઝલ.

  5. Manvant Patel
    Manvant Patel November 4, 2011

    ના ભાઇ, કશું જ શક્ય નથી. મોતને કોઇ મારી ન શકે !

  6. Himanshu Patel
    Himanshu Patel November 4, 2011

    સરસ નાવિન્ય લઈ આવેલી ગઝલ.

  7. અશોક જાની 'આનંદ'
    અશોક જાની 'આનંદ' November 4, 2011

    ટુંકી બહેરની મજાની પ્રશ્નાર્થ ગઝલ..

    આગિયાના તેજથી ઝળહળ બની,
    કોઈ સૂરજને કદી ડારી શકે ?

    શ્વાસ ને સંવેદનાના જે ધની,
    જિંદગીને કોઈ દિ’ હારી શકે ?

    એક શીશી પારકા ગ્લિસરીનથી
    કોઈ આંસુ ક્યાં સુધી સારી શકે ?….સુંદર.. …!!!

  8. Kirtikant Purohit
    Kirtikant Purohit November 4, 2011

    ને કિનારે રાહ જોતા સેંકડો,
    એકને મઝધારથી તારી શકે ?

    આગિયાના તેજથી ઝળહળ બની,
    કોઈ સૂરજને કદી ડારી શકે ?

    શ્વાસ ને સંવેદનાના જે ધની,
    જિંદગીને કોઈ દિ’ હારી શકે ?

    એક શીશી પારકા ગ્લિસરીનથી
    કોઈ આંસુ ક્યાં સુધી સારી શકે ?

    વાહ્ આખી ગઝલ કાબિલેદાદ્. બહુ જ સુન્દર અભિવ્યક્તિ.

  9. Sudhir Patel
    Sudhir Patel November 11, 2011

    સુંદર ગઝલ!
    સુધીર પટેલ.

  10. Narendra Jagtap
    Narendra Jagtap November 12, 2011

    સાંગોપાંગ સુંદર રચના…..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.