જળપ્રપાત થઈ શકે

પ્રેમભીની પાંપણો પોલાદ થઈ શકે,
એક પલકારા થકી પરભાત થઈ શકે.

સખ્ત તારાજી કરે ધસમસ પ્રવાહો પણ,
એક આંસુ ક્યાંક જળપ્રપાત થઈ શકે.

એમને જોવા અગર અપરાધ હોય તો,
એમનાં સપનાં કઠોરાઘાત થઈ શકે.

હો હવા ને હોઠ ને શ્વાસોની અકળામણ,
તો ઉચ્છવાસોમાં ઘણીયે વાત થઈ શકે.

પ્રેમ તો એવી બલા છે, રાજવીઓ શું,
ભલભલાયે મહારથીઓ માત થઈ શકે.

પ્રેમ એ કોઈ ગણિતનો દાખલો નથી,
કે કોઈ ઘટના ભૂંસવાથી બાદ થઈ શકે.

પ્રેમ તો પારસમણિનો સ્પર્શ છે ‘ચાતક’,
આયખું એના થકી આબાદ થઈ શકે.

– દક્ષેશ કોન્ટ્રાકટર ‘ચાતક’

COMMENTS (14)
Reply

અફલાતુન …………!

પ્રેમ એ કોઈ ગણિતનો દાખલો નથી,
કે કોઈ ઘટના ભૂંસવાથી બાદ થઈ શકે.

ખરેખર …………. આ પણ એક જળપ્રપાત જ છે ……….! ઃ)

સરસ.

પ્રેમ તો પારસમણિનો સ્પર્શ છે ‘ચાતક’,
આયખું એના થકી આબાદ થઈ શકે.

Reply

પ્રેમ તો પારસમણિનો સ્પર્શ છે ‘ચાતક’,
આયખું એના થકી આબાદ થઈ શકે.
વાહ..ખૂબ સરસ રચના.

Reply

સખ્ત તારાજી કરે ધસમસ પ્રવાહો પણ,
એક આંસુ ક્યાંક જળપ્રપાત થઈ શકે.

વાહ્..સુન્દર અભિવ્યક્તિ અને પ્રેમનો અહોભાવ પણ

Reply

વાહ.. પ્રેમ વિશેની સરસ અભિવ્યક્તિ.

પ્રેમ એ કોઈ ગણિતનો દાખલો નથી,
કે કોઈ ઘટના ભૂંસવાથી બાદ થઈ શકે.

પ્રેમ તો પારસમણિનો સ્પર્શ છે ‘ચાતક’,
આયખું એના થકી આબાદ થઈ શકે.
ખૂ બ સું દ ર

યાદ
તારા ને મારા સરવાળાનો દાખલો,
આવડે એક બસ ગણિતમાં.
બાકીમાં …
આ કૃષ્ણ તો તમારી કલ્પનામાં જીવતો એક પ્રેમ છે, સ્વયં!

Reply

સુંદર ગઝલ…

પ્રફુલ ઠાર

વાહ ભાઇ વાહ ! મજા આવી ગઇ.
પારસમણી અને ગણિતના દાખલા અંગે વાત ગમી. તમારો આભાર !

મત્લા અને મક્તા બંને આબાદ લખાયા છે. સરસ.

દક્ષેશભાઇ….નાઇસ ગઝલ…સરસ વિચારો અને બધા જ શેર એકંદરે સરસ બન્યા છે….અભિનંદન્

સખ્ત તારાજી કરે ધસમસ પ્રવાહો પણ,
એક આંસુ ક્યાંક જળપ્રપાત થઈ શકે….

મનના ભાવો સરસ ઉજાગર થયા છે.

દરેક શેર આસ્વાદ્ય છે.

અભિનંદન દક્ષેશભાઈ !

Reply

સુંદર મક્તા સાથેની સરસ ગઝલ!
સુધીર પટેલ.

Reply

ખુબ સુંદર ગઝલ, બધાં શે’ર સરસ થયાં છે..મક્તા શિરમોર…!!!!

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)