ભીંતમાં દરિયો ફુટે તો રેતના ઘર જાય ક્યાં ?
લાગણી છતથી ચૂએ તો એ તડો સંધાય ક્યાં ?
ફુલને પાંખો મળે તો જાય એ ભમરા કને,
કંટકોની દોસ્તી પળવાર પણ છોડાય ક્યાં ?
ચોતરફ વંટોળ વચ્ચે દીપ શ્રદ્ધાનો જલે,
તેલ એમાં હરઘડી વિશ્વાસનું પૂરાય ક્યાં ?
ભૂલવાના કૈં પ્રસંગો કેમ ભૂલાતા નથી,
ભૂલ સમજાવા છતાંયે આદમી પસ્તાય ક્યાં ?
એક અણધાર્યા મિલનની શક્યતા જીવે હજુ,
શક્યતા સઘળી હકીકતમાં કદી પલટાય ક્યાં ?
બારણાં અવસર બની ‘ચાતક’ પ્રતીક્ષામાં ઊભાં,
તોરણોની આંખમાં આંસુ કદી દેખાય ક્યાં ?
– દક્ષેશ કોન્ટ્રાકટર ‘ચાતક’
ચાતકને તોરણોની આંખમાં આંસુ ના જ દેખાય !
પોતાની જ આંખમાંથી શોધવાનાં રહે ! આભાર !
ભૂલવાના કૈં પ્રસંગો કેમ ભૂલાતા નથી,
ભૂલ સમજાવા છતાંયે આદમી પસ્તાય ક્યાં ?
સરસ ગઝલ …ભાવ પુર્ણ…
વાહ…!
દક્ષેશભાઈ,
આખી ગઝલ દમદાર બની છે-અભિનંદન.
વાહ કવિ..!! ખૂબ સુન્દર ગઝલ થઇ છે, બધાં જ શે’ર અર્થપૂર્ણ અને માણવાલાયક થયાં છે. કયા શે’ર ને ઉત્તમ કહેવો તેની અવઢવ છે….
સરસ ગઝલ છે.
શરુઆતનો શેર તો શિરમોર સમો છે.
ભીંતમાં દરિયો ફુટે તો રેતના ઘર જાય ક્યાં ?
લાગણી છતથી ચૂએ તો એ તડો સંધાય ક્યાં ?
જબરદસ્ત કલ્પના…
એક અણધાર્યા મિલનની શક્યતા જીવે હજી,
શક્યતા સઘળી હકીકતમાં કદી પલટાય ક્યાં… વાહ્…!!
તોરણોની આંખમાં આંસુ કદી દેખાય ક્યાં ?
નવા કલ્પનોસભર સુંદર રચના !
ભીંતમાં દરિયો ફુટે તો રેતના ઘર જાય ક્યાં ?
લાગણી છતથી ચૂએ તો એ તડો સંધાય ક્યાં ?
સરસ શક્તિશાળી ભાષા અને એવી જ ઘનિભૂત ગઝલ…
ભૂલવાના કૈં પ્રસંગો કેમ ભૂલાતા નથી,
ભૂલ સમજાવા છતાંયે આદમી પસ્તાય ક્યાં ?
એકદમ સાચી વાત છે…ખૂબ સરસ રચના
વાહ્… સરસ કલ્પનો રમતાં મૂક્યાં છે અને મઝેથી દડદડ કરતાં જાય છે…
ખૂબ સુંદર ગઝલ માણવી ગમી!
સુધીર પટેલ.
સુંદર મત્લા અને એવો જ અસરકારક મક્તા..
આમ તો આખી ગઝલ સરસ કલ્પના થી સભર થઇ છે..
ખુબ જ સરસ ગઝલ.
મત્લા અને મક્તા વધુ ગમ્યા…
ખુબ જ સરસ મને બ્લોગ બહુ જ ગમ્યો .