Press "Enter" to skip to content

તિરાડો મળે છે

સબંધે સબંધે તિરાડો મળે છે,
અહીં પ્રશ્ન સૌનો નિરાળો મળે છે !

ઉપેક્ષિત નયનમાં નિરાધાર આંસુ,
સતત શ્વાસમાંહી નિભાડો મળે છે.

બની પ્રેમ વાદળ ભલે રોજ વરસે,
હૃદય-ભોમકા પર વરાળો મળે છે.

સમી સાંજ થાતાં સમજ અસ્ત થાતી,
પછી ઘરમહીં એક અખાડો મળે છે.

અગન હર દિલોમાં, વ્યથા હર જીગરમાં,
ફકત લાગણીનો હિમાળો મળે છે.

હવે ચાલ ‘ચાતક’ તું એવા નગરમાં,
જ્યહીં સ્પર્શ કોમળ હુંફાળો મળે છે.

– દક્ષેશ કોન્ટ્રાકટર ‘ચાતક’

11 Comments

  1. Ami
    Ami June 25, 2011

    ઉપેક્ષિત નયનમાં નિરાધાર આંસુ,
    સતત શ્વાસમાંહી નિભાડો મળે છે.

    વાહ ખૂબ સરસ…

  2. P Shah
    P Shah June 27, 2011

    પ્રશ્ન સૌનો નિરાળો મળે છે !

    સુંદર રચના !

  3. Narendra Jagtap
    Narendra Jagtap June 27, 2011

    સમી સાંજ થાતાં સમજ અસ્ત થાતી,
    પછી ઘરમહીં એક અખાડો મળે છે…. ભાઇ આ શેર ગજબનો છે અને વાસ્તવિક રજુઆત

  4. Pancham Shukla
    Pancham Shukla June 27, 2011

    સબળ પ્રતીકો રૂપે પ્રયોજાયેલા કાફિયાઓના સ્તંભ અને ગૂઢાર્થો પર આખી ગઝલ ઊભી છે. લગાગાના આવર્તનોની પ્રવાહિતા પણ ધ્યાનાર્હ છે.

  5. Himanshu Patel
    Himanshu Patel June 27, 2011

    પ્રેમની કોમળતાને પામવાની ઝંખના સરસ અભિવ્યક્ત થઈ છે.
    હવે ચાલ ‘ચાતક’ તું એવા નગરમાં,
    જ્યહીં સ્પર્શ કોમળ હુંફાળો મળે છે.
    આ પંક્તિઓ યાદ કરાવી ગઈ નીચેની પંક્તિ
    ..ચલ ચકવા ઉન દેશ જઈએ
    જહાં દિન રેન ન હો….

  6. Manvant Patel
    Manvant Patel June 27, 2011

    પછી ઘર મહીં અખાડો મળે છે ! વાહ ભાઇ વાહ !

  7. Sudhir Patel
    Sudhir Patel June 28, 2011

    સુંદર ગઝલ!
    સુધીર પટેલ.

  8. Jignesh Adhyaru
    Jignesh Adhyaru June 28, 2011

    વાહ, સરસ
    બધા શે’ર ખૂબ સરસ છે.

    સબંધે સબંધે તિરાડો મળે છે,
    અહીં પ્રશ્ન સૌનો નિરાળો મળે છે !

    વધુ ગમ્યો…

  9. સબંધે સબંધે તિરાડો મળે છે,
    અહીં પ્રશ્ન સૌનો નિરાળો મળે છે !

    વાસ્તવિકતાની ભૂમિ પર ખેડાયેલી સુંદર ગઝલ…

  10. અશોક જાની 'આનંદ '
    અશોક જાની 'આનંદ ' June 29, 2011

    સુન્દર મત્લા, ટુંકી બહેરમાં મજાની ગઝલ….

    આમ તો દરેક શે’ર મજાના છે પણ આ વધારે ગમ્યું..

    બની પ્રેમ વાદળ ભલે રોજ વરસે,
    હૃદય-ભોમકા પર વરાળો મળે છે.

  11. Manhar Mody
    Manhar Mody July 4, 2011

    મઝાની લયમાં વહેતી અને વાંચકને વહેવડાવતી રચના.

Leave a Reply to Sudhir Patel Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.