Press "Enter" to skip to content

કાગળ મળે છે

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


(તરન્નૂમ – રાજૂ યાત્રી)

લખું રોજ વાદળ ને ઝાકળ મળે છે !
મને રોજ તડકાનાં કાગળ મળે છે !

સમય સાથ ચાલું છું તોયે જુઓને,
મુસીબત કદમ એક આગળ મળે છે !

તકાદા કરે છે તું કેવા મિલનના,
મને ફક્ત અધખુલી સાંકળ મળે છે !

તને શોધતાં શોધતાં લોક હાંફે,
ખુદા, તુંય ભીંતોની પાછળ મળે છે ?!!

ખુશાલી હવે ના મળે કોઈ ઘરમાં,
ખુશીના મુકામોય ભાગળ મળે છે !

નિરાશા વદનથી લુછી નાંખ ‘ચાતક’,
ક્ષિતિજે અહીં રોજ વાદળ મળે છે !

– દક્ષેશ કોન્ટ્રાકટર ‘ચાતક’

8 Comments

  1. Pancham Shukla
    Pancham Shukla June 16, 2011

    નવો છંદ. નવી અભિવ્યક્તિ. બધા જ શેર ટકોરાબંધ.
    ખાસ કરીને ‘તડકાનાં કાગળ’ ની નાજુક અભિવ્યક્તિ અને ‘ભીંતની પાછળ ખુદા’ ની વ્યંજના નજર ફરતાં જ સ્પર્શી ગયા.

  2. Chetu
    Chetu June 16, 2011

    સમય સાથ ચાલું છું તોયે જુઓને,
    મુસીબત કદમ એક આગળ મળે છે !

    સુંદરમ ..!!

  3. Manvant Patel
    Manvant Patel June 16, 2011

    ક્ષિતિજે અહીઁ રોજ વાદળ મળે છે !
    વાહ કવિ !

  4. Himanshu Patel
    Himanshu Patel June 16, 2011

    તને શોધતાં શોધતાં લોક હાંફે,
    ખુદા, તુંય ભીંતોની પાછળ મળે છે ?!!

    સરસ વક્રોક્તિ અને અભિવ્યક્તિની મનોહર આરાધના..

  5. P Shah
    P Shah June 16, 2011

    મને રોજ તડકાનાં કાગળ મળે છે…..
    વાહ !
    મત્લાનો શેર ખૂબ જ સરસ થયો છે.
    સરસ ગઝલ આપી, દક્ષેશભાઈ !

  6. Anil Limbachiya
    Anil Limbachiya June 16, 2011

    સમય સાથ ચાલું છું તોયે જુઓને,
    મુસીબત કદમ એક આગળ મળે છે !
    ખૂબ જ સરસ ગઝલ છે દક્ષેશભાઈ !

  7. સુંદર અભિવ્યક્તિ. મત્લાનો શેર સરસ થયો છે. અભિનંદન.

  8. Sudhir Patel
    Sudhir Patel June 18, 2011

    સુંદર મત્લા સાથેની જાનદાર ગઝલ!
    સુધીર પટેલ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.