Press "Enter" to skip to content

સધ્ધર મળે

એક નહીં પણ એકસો સત્તર મળે,
ઝાંઝવાની જાત પણ સધ્ધર મળે!

ચાંદ સાથે રૂ-બ-રૂ વાતો કરે,
કોઈ ચહેરા એટલા અધ્ધર મળે.

ને મરણની બાદ પણ મ્હેંક્યા કરે,
આદમીરૂપે કદી અત્તર મળે.

લાગણીના કાન સરવા રાખ, તો
ઢાઈ અક્ષરનો તને મંતર મળે.

આયનામાં ઝાંખ, આતમરામજી,
ક્યાંક સૂતો એક દસકંધર મળે.

શબ્દના પ્હાડો ઉલેચી નાખતાં,
શક્ય ‘ચાતક’, મૌનનો ઉંદર મળે.

– દક્ષેશ કોન્ટ્રાકટર ‘ચાતક’

10 Comments

  1. Himanshu Patel
    Himanshu Patel May 1, 2011

    લાગણીના કાન સરવા રાખ, તો
    ઢાઈ અક્ષરનો તને મંતર મળે.
    એક સુંદર ગઝલ, ગમી વાંચવાની.

  2. Shailesh Patel
    Shailesh Patel May 1, 2011

    ખુબ સરસ !!! આપણે અંતરના આયનામાં ઝાંખીએ તો એક નહીં અઢાર દુર્ગુણો જોવા મળશે. માર્મિક ટકોર ધન્યવાદ !!!
    ગુજરાતના સ્થાપના દિનની શુભકામનાઓ. જય જય ગરવી ગુજરાત..

  3. Pancham Shukla
    Pancham Shukla May 4, 2011

    સરસ ગઝલ.

    દસકંધર (દશાનન)નો ગઝલમાં કદાચ પહેલી વાર ઉપયોગ થયો હશે. કાકભુશુંડીની રામકથાનો દોહરો વિસ્મયના ઉત્ખનનમાં નીકળે.

  4. Pragnaju
    Pragnaju May 4, 2011

    લાગણીના કાન સરવા રાખ, તો
    ઢાઈ અક્ષરનો તને મંતર મળે.

    આયનામાં ઝાંખ, આતમરામજી,
    ક્યાંક સૂતો એક દસકંધર મળે.
    સરસ

  5. Manvant Patel
    Manvant Patel May 4, 2011

    ને મરણની બાદ પણ મહેક્યા કરે;
    આદમીરૂપે કદી અત્તર મળે ! વાહ !

  6. P Shah
    P Shah May 4, 2011

    રેતના સહરામહીં ઝાકળ મળે…
    સુંદર રચના ! બધા જ શે’ર આસ્વાદ્ય થયા છે.
    નવા કાફિયા સાથે સંવેદનો સરસ રીતે ઉજાગર થયા છે.
    અભિનંદન, દક્ષેશભાઈ !

  7. અશોક જાની 'આનંદ'
    અશોક જાની 'આનંદ' May 4, 2011

    મનનીય શે’ર સાથેની સુંદર ગઝલ, આ ગમ્યું…
    ને મરણની બાદ પણ મ્હેંક્યા કરે,
    આદમીરૂપે કદી અત્તર મળે.

    લાગણીના કાન સરવા રાખ, તો
    ઢાઈ અક્ષરનો તને મંતર મળે.

    અભિનંદન દક્ષેશભાઈ..!!

  8. Sosa Jitu Velva
    Sosa Jitu Velva May 4, 2011

    Vah….dhanyavad…………Abhinandan.
    tara shabdo ni chot mane lagi,
    Me aaj, mara hainyani lagani dubhavi.

  9. સરસ ગઝલ. આખી ગઝલમાં positive attitude નજરે ચડે છે. અભિનંદન.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.