Press "Enter" to skip to content

અંત નોખા હોય છે

હર પ્રણયની વારતાના અંત નોખા હોય છે,
ક્યાંક આંસુ, ક્યાંક કંકુ સાથ ચોખા હોય છે.

ખુશનસીબોના જ કિસ્મતમાં લખી દિવાનગી,
બદનસીબોના લલાટે ફક્ત ધોખા હોય છે.

આમ તો બે હોઠ, આંખો, બે જ હૈયાઓ મળે,
તોય અંદાજો મિલનના સૌ અનોખા હોય છે !

પ્રેમની તસવીર કો’દિ ધુંધળી થાતી નથી,
સ્મિત મુખ પર ઝળહળે, છો દાંત બોખા હોય છે.

એ સદીઓથી થતા ‘ચાતક’ ભલે બદનામ પણ,
એમને જોવા તરસતાં સહુ ઝરોખા હોય છે.

– દક્ષેશ કોન્ટ્રાકટર ‘ચાતક’

18 Comments

  1. Daxesh Contractor
    Daxesh Contractor March 11, 2011

    અશોકભાઈ,
    તમારી વાત સો ટકા સાચી. પણ લોકબોલીમાં આપણે જેમ ઘઉં દળવાને બદલે લોટ દળવાની વાત કરીએ એવું છે… દળેલાને જ લોટ કહેવાય. એ જ રીતે સામાન્ય બોલચાલમાં દાંત ન હોય તો – દાંતે બોખા છે – એમ પ્રયોજીએ છીએ. એ પરથી દાંત બોખા હોય છે એમ લખ્યું છે. સૂચન બદલ આભાર.

  2. Kevin Ahir
    Kevin Ahir December 4, 2016

    Nice gazal

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.