Press "Enter" to skip to content

આજ બોલી નાખીએ


Happy Valentines Day !

ક્યાં સુધી એને છુપાવી રાખીએ ?
જે હૃદયમાં, આજ બોલી નાખીએ.

હાથમાં લઈ હાથ, આંખોમાં વફા
દ્વાર દિલનાં આજ, ખોલી નાખીએ.

પ્રીતના ઉન્માદની મ્હેંકે ભર્યા
શ્વાસમાં શ્વાસો ઝબોળી નાખીએ

લોક એને છો કહે પાગલપણું,
એ ડ્હાપણ આજ ડ્હોળી નાખીએ.

રોજ મળીએ આપણે જૂદાં થઈ,
તાર મનનાં એમ જોડી નાખીએ.

પ્રેમમાં ‘ચાતક’ મળે ગહેરાઈ તો
લો, કિનારાનેય તોડી નાખીએ.

– દક્ષેશ કોન્ટ્રાકટર ‘ચાતક’

6 Comments

  1. Prakash Gyanchandani
    Prakash Gyanchandani February 14, 2011

    વેલેન્ટાઈન ડૅ નિમિતે આપણે પણ આવી જ રીતે પ્રેમ વ્યક્ત કરી દેવો જોઇએ.

  2. Pragnaju
    Pragnaju February 15, 2011

    પ્રીતના ઉન્માદની મ્હેંકે ભર્યા
    શ્વાસમાં શ્વાસો ઝબોળી નાખીએ

    લોક એને છો કહે પાગલપણું,
    એ ડ્હાપણ આજ ડ્હોળી નાખીએ

    હેપી વેલેન્ટાઇન ડે.

  3. Shailesh Patel
    Shailesh Patel February 15, 2011

    કિનારાને તોડીને પ્રેમ વહેવડાવાની વાત ખુબ ગમી!!! પ્રેમ કરવો તો થોડો કેમ ??

  4. શ્રી દક્ષેશભાઈ,
    વેલેન્ટાઈન ડે ના પ્રેમ એક જ દિવસ વ્યક્ત કરવા માટે જ ફક્ત આ દિવસ નથી, પ્રેમ તો સતત વહેતું ઝરણું છે, અને તે બંધિયાર ના હોય નિર્મળ છે અને સદા છે. રચના પસંદ આવી.
    અભિનંદન !

  5. Yatri
    Yatri February 15, 2011

    આનંદ આવ્યો! આમ તો “વેલેન્ટાઈન ડે” એ આપણી સંસ્કૃતિ નથી, પણ આપણા વેદોએ કહ્યું તેમ, “બધી જ દિશાઓમાંથી શુભ વિચારો પ્રાપ્ત થાઓ”. તે રીતે જો આ એક દિવસે પણ, ભૌતિક જગતના ઝાકઝમાળ વચ્ચે સાચ્ચા પ્રેમનો એક તણખો પણ દેખાય તો ભયો ભયો!! ચાતક, કરો કિનારા તોડીને પ્રેમ!! વાહ!

  6. Paru Krishnakant
    Paru Krishnakant February 16, 2011

    ખુબ ગમ્યું … પ્રેમ અને પ્રણય બંને અતિ સુંદર ભાવનાઓ પણ તેને સાચી રીતે સમજવી ઘટે !
    પારૂ કૃષ્ણકાંત “પિયુની”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.