ઘેઘૂર ગરમાળા હશે

2011 ના ઈસુના નવા વર્ષ નિમિત્તે સર્વ વાચકમિત્રોને શુભકામનાઓ.

લાગણીના ગામમાં ઘેઘૂર ગરમાળા હશે,
ભીંતના નામે ગૂંથેલા એક-બે જાળા હશે.

સદ્યસ્નાતા સુંદરીના કેશક્લાપોમાં મઢ્યા,
ફૂલના આકાર સરખા છીપ-પરવાળા હશે.

આસમાની ઓઢણી પ્હેરી પળેપળ ઝૂમતાં,
રં ગ બે રં ગી પતંગા કૈંક રૂપાળા હશે.

રાતભર પહેરો હશે ત્યાં ચાંદ પૂનમનો, અને
તારલાઓએ ભર્યા ક્ષણવાર ઉચાળા હશે.

કલ્પનાઓથી ભર્યા ઉપવન વચાળે હેમનાં,
સપ્તરંગી સંસ્મૃતિઓથી સભર માળા હશે.

દેવ-શા દૈવી અલૌકિક ગૌરવર્ણા માનવી,
સ્નેહ ને સૌંદર્યના સાચે જ સરવાળા હશે.

ભૃંગ ‘ચાતક’ થઇ ટહલતા, રાતરાણીને ભવન,
મ્હેંકમાં ગૂંથેલ કોઈ ખાસ વરમાળા હશે.

– દક્ષેશ કોન્ટ્રાકટર ‘ચાતક’

COMMENTS (15)

નવા વર્ષની શુભકામનાઓ.

સુંદર ગીતરચના…

લય સરસ- ભાવ સ-રસ રીતે ગુંથાયો છે
કલ્પનાઓથી ભર્યા ઉપવન વચાળે હેમનાં,
સપ્તરંગી સંસ્મૃતિઓથી સભર માળા હશે.

દેવ-શા દૈવી અલૌકિક ગૌરવર્ણા માનવી,
સ્નેહ ને સૌંદર્યના સાચે જ સરવાળા હશે.
યાદ
આ તો લાગણીનું ગામ છે ઓ શ્યામ,
એમાં એક જ કેડીએ કેમ ચાલું ?

Reply

વાહ! સુંદર ગઝલ સાથે સૌને નવા વર્ષની શુભકામનાઓ!
સુધીર પટેલ.

નવા વર્ષની શુભકામનાઓ.
લાગણીના ગામમાં ઘેઘૂર ગરમાળા હશે,
ભીંતના નામે ગૂંથેલા એક-બે જાળા હશે.
જાળામાં કે એની પારદર્શકતામાં ભીંત જેવી અપારદર્શકતા લાગણીની નક્કરતા રચી આપે છે.

સરસ લયબદ્ધ ગઝલ દક્ષેશભાઈ,
પુત્રના લક્ષણ પારણાંમાંથી -એમ,ગઝલના પ્રથમ શેરથી જ વાચકને પકડી/જકડી લે એવી સુંદર અલંકારો અને અભિવ્યક્તિથી અલંકૃત આખી ગઝલ એક અલગ જ સૌંદર્ય લઈને આવી છે.
-અભિનંદન.

શ્રી દક્ષેશભાઈ,
છેલ્લી પંક્તિ વિશેષ ગમી ગઈ. સરસ રચના, આનંદ.

Reply

સદ્યસ્નાતા સુંદરીના કેશક્લાપોમાં મઢ્યા,
ફૂલના આકાર સરખા છીપ-પરવાળા હશે.
ખુબ સુન્દર ગઝલ ચાતક …

વાહ વાહ દક્ષેશભાઇ….. સરસ શબ્દ ભંડોળ સાથેની ખુબસુરત ગઝલ…….

સુંદર ગઝલ. અલંકારિક પદાવલી અને નર્યા સૌંદર્યબોધની રચના.

અતિઉત્તમ ગઝલ ! આભાર કવિનો !

નવા વર્ષની સુંદર ભેટ સમી સુંદર ગઝલ..

સુંદર અલંકારોથી અને સુસંસ્ક્રુત શબ્દો વડે શણગારાયેલી લયબદ્ધ ગઝલ. કવિને ખુબ ખુબ અભિનંદન.

સુંદર રચના !
લય અને સઁવેદનોનો સુભગ સમન્વયથી
એક સુંદર ગીતની રચના થઇ છે.
અભિનંદન !

ચિત્ર કેટલુ સરસ છે ? ચિત્રકારને દાદ આપવી ઘટે !

અભિનંદન ! સરસ અતિસુંદર રચના !

Reply

ખુબ જ સરસ ગઝલ. મજા આવી ગઇ.

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)