સુખની પરિભાષા

આંગળીઓ કો’ક નોંધારાની પકડી જોઈએ,
ચાલ સુખની સૌ પરિભાષાઓ બદલી જોઈએ.

ભાવમાં ભીંજાવવાનું સુખ મળે કોઈક વાર,
આજ કોઈના અભાવોથીય પલળી જોઈએ.

જેમની હરએક પળ સંઘર્ષ છે અસ્તિત્વનો,
એમના જીવન કથાનક સ્હેજ પલટી જોઈએ.

તેલ દીવામાં પૂરી અંધારને અવરોધવા,
અંધ આંખોમાં થઈને નૂર ચમકી જોઈએ.

ઓસની બુંદો સમું ‘ચાતક’ જીવન છે આપણું,
કોઈના ચ્હેરા ઉપર થઈ સ્મિત ઝળકી જોઈએ.

– દક્ષેશ કોન્ટ્રાકટર ‘ચાતક’

COMMENTS (11)

સરસ ગઝલ !!મક્તો સરસ થયો..
સપના

Reply

વાહ!
આ અજબ-ગજબના જગતમાં આવો ભાવ એ પણ ચાતકના અંતરનું અનોખું પ્રતિબિંબ જ છે!

મત્લાથી મક્તા સુધીના પ્રત્યેક શેર સરસ થયા છે. હકારાત્મક અભિગમ જ જીવવાનો સાચો માર્ગ છે. અભિનંદન.

Reply

ખૂબ સુંદર લાગણી સભર ગઝલ!
સુધીર પટેલ.

ચાલ સુખની સૌ પરિભાષાઓ બદલી જોઈએ.

નવી પરિભાષા રચી આપતી આ ગઝલ મનનીય થઈ છે.

ભાવમાં ભીંજાવવાનું સુખ મળે કોઈક વાર,
આજ કોઈના અભાવોથીય પલળી જોઈએ.

જેમની હરએક પળ સંઘર્ષ છે અસ્તિત્વનો,
એમના જીવન કથાનક સ્હેજ પલટી જોઈએ.
સુંદર શેર્
કોઇક સહ્રદયી માનવનું મન કોઇક આવી જ પળે ઓગળ્યું હશે કે તેમણે પોરબંદરમાં આશ્રમ ખોલ્યો જેમાં આવા બધાં ગાંડાઓને તેઓ રાખતાં, તેમના વાળ કપાવતા, દાઢી કરાવતા, ખવડાવવાની વ્યવસ્થા કરતા, તેમની કાળજી, માવજત કરતાં. તે હતા પ્રાગજી બાપા. પ્રાગજી બાપાના આશ્રમને ગાંડાઓનો આશ્રમ પણ કહે છે.

જેમની હરએક પળ સંઘર્ષ છે અસ્તિત્વનો,
એમના જીવન કથાનક સ્હેજ પલટી જોઈએ
જીવનના પોઝિટીવ અભિગમની અસ્તિવાચક ભાષા મેળવી છે તે ગઝલમાંનો આ શેર વધારે ગમ્યો.

Reply

સરસ કલ્પનો અને લાગણીભરી તાજ્ગી.

આંગળીઓ કો’ક નોંધારાની પકડી જોઈએ,
ચાલ સુખની સૌ પરિભાષાઓ બદલી જોઈએ…..

લાજવાબ મત્લાના શેર સહિત બધા જ શેર ઉત્તમ થયા છે.
પોઝિટીવ અભિગમભરી એક સુંદર રચના આજે વાંચવા મળી.

અભિનંદન !

મક્તા મત્લાની ઝંઝટ છોડી જેવું આવડે તેવું લખીને સૌના મુખડા મલકાવી જઇયે ….

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)