Press "Enter" to skip to content

રેશમી સાંકળ હશે

સ્મિત એનું રેશમી સાંકળ હશે,
કે હૃદયને ખોલવાની કળ હશે ?

આ નિરક્ષર લાગણીને શું ખબર,
એમની આંખોમહીં કાગળ હશે.

એ સતત સાથે રહી સ્પર્શ્યાં નહીં,
જેમ કોઈ પર્ણ પર ઝાકળ હશે.

સાત પગલાંની સફર માંડી હતી,
એ ખબર ન્હોતી વિઘન આગળ હશે.

એ ખડક હોવાનો દાવો શું કરે,
શું ફુટેલા તૃણ બધા પોકળ હશે?

વેદનાની વાટ લાંબી હોય છે,
શક્ય છે, બાકી હજુ અંજળ હશે.

હર પ્રતીક્ષાનો સુખદ અંજામ છે,
કો’ક દિ ચાતક ઘરે વાદળ હશે.

– દક્ષેશ કોન્ટ્રાકટર ‘ચાતક’

17 Comments

  1. RaYa
    RaYa November 1, 2010

    હૃદય, લાગણી, સ્પર્શ્ , વેદના – આ બધાની વચ્ચે અટવાયેલા માનવને ચાતકે ખૂબ સુંદર રીતે આશાનો એક ઘૂંટ પીવડાવી દિધો!
    હર પ્રતિક્ષાનો સુખદ અંજામ છે,
    કો’ક દિ ચાતક ઘરે વાદળ હશે.
    બહોત ખૂબ!

  2. Sudhir Patel
    Sudhir Patel November 2, 2010

    સુંદર મત્લા અને મક્તા સાથેની ભાવનાત્મક ગઝલ!
    સુધીર પટેલ.

  3. Dr P A Mevada
    Dr P A Mevada November 2, 2010

    વાહ, વાહ, દક્ષેશભાઈ ખૂબ જ સરસ વાતો સાથેની રચના છે. મારૂ માનવુ છે કે સમજાય તેવી જ રચના લોકભોગ્ય બને છે હું સાક્ષરોની વાત માનવા તૈયાર નથી.
    “સાજ”

  4. Devika Dhruva
    Devika Dhruva November 2, 2010

    વેદનાની વાટ લાંબી હોય છે,
    શક્ય છે, બાકી હજુ અંજળ હશે.
    બહોત ખુબ…

  5. Pragnaju
    Pragnaju November 3, 2010

    વેદનાની વાટ લાંબી હોય છે,
    શક્ય છે, બાકી હજુ અંજળ હશે.

    હર પ્રતિક્ષાનો સુખદ અંજામ છે,
    કો’ક દિ ચાતક ઘરે વાદળ હશે
    વાહ્

  6. Sapana
    Sapana November 3, 2010

    ખૂબ સરસ ગઝલ! વાહ લાગણી સભર ગઝલ!

    સ્મિત એનું રેશમી સાંકળ હશે,
    કે હૃદયને ખોલવાની કળ હશે ?

    સપના

  7. Himanshu Patel
    Himanshu Patel November 3, 2010

    લાગણીથી તરબોળ ગઝલ, ગમી.

  8. Saryu Parikh
    Saryu Parikh November 3, 2010

    વાહ, આવી ગઝલ લખાઈ જાય છે. સરસ.
    સરયૂ

  9. Ashish Joshi
    Ashish Joshi November 3, 2010

    સાત પગલાંની સફર માંડી હતી,
    એ ખબર ન્હોતી વિઘન આગળ હશે.

    વાહ્…વાહ્…વાહ્.

  10. P Shah
    P Shah November 3, 2010

    સુંદર ગઝલ !

    મત્લાનો શેર સરસ થયો છે.

    અભિનંદન !

  11. સરસ ગઝલ દક્ષેશભાઈ, અભિનંદન.
    પ્રતિક્ષા સુધારીને પ્રતીક્ષા કરી લેવા વિનંતિ-(ક્ષમાયાચના સાથે…!)

    મહેશભાઈ, જોડણી સુધારી લીધી છે. એમાં ક્ષમા તમારે નહીં, મારે માગવાની હોય. તમારા જેવા જોડણીશુદ્ધિ તરફ ધ્યાન દોરે તે આપણી ભાષાની ગરિમાના હિતમાં જ છે ને. આભાર.
    – દક્ષેશ

  12. Kanchankumari P. Parmar
    Kanchankumari P. Parmar November 4, 2010

    રેશમી ગાંઠે તો બંધાયા હતા આપણે અટુટ , છુટી ક્યારે તેની ખબરે ના પડી.!!!!!!!

  13. Narendra Jagtap
    Narendra Jagtap November 8, 2010

    આપની આ લીંક પર લગભગ બધી જ ગઝલ વાંચતો રહુ છુ… અને આનંદ આવે છે…. ખુબ જ સરસ ભાવવાહી ગઝલ આપ લખો છો…
    વેદનાની વાટ લાંબી હોય છે,
    શક્ય છે, બાકી હજુ અંજળ હશે…… સરસ કહ્યુ છે વાહ વાહ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.