મિત્રો, સ્વપ્નજગતની વાસ્તવિકતાને વાચા આપતું ગીત.
સપના કહે છે મને સપનામાં આજકાલ,
શું તું મને મળી શકે પલકોની પેલે પાર ?
આઠે પહોર રાત ને તડકા પડે નહીં,
મનમાં ફૂટેલ વાતના પડઘા પડે નહીં,
ટહુકાઓ ના કરે અહીં ચૂપકીદીઓ ફરાર … સપના.
ઘૂંઘટને ખોલતી નથી કળીઓ સવારમાં,
ભમરાઓ ડોલતાં નથી અહીં તો બહારમાં,
કલકલ નિનાદ ના કરે ઝરણાંઓ કોઈ વાર … સપના.
ઝાકળનું બુંદ થઇ તને સ્પર્શી શકું નહીં,
ચાતકની જેમ હું કદી તરસી શકું નહીં,
મેઘધનુના ઢાળ પર રહેવું પડે ધરાર … સપના.
– દક્ષેશ કોન્ટ્રાકટર ‘ચાતક’
શું તું મને મળી શકે પલકોની પેલે પાર ?
વાહ !
ઝાકળનું બુંદ થઇ તને સ્પર્શી શકું નહીં,
ચાતકની જેમ હું કદી તરસી શકું નહીં,
મેઘધનુના ઢાળ પર રહેવું પડે ધરાર … સપના.
વાહ !
સરસ પરંપરાનુ ગીત, નવી વાક્ય રચના સાથે—
મેઘધનુના ઢાળ પર રહેવું પડે ધરાર…
સુંદર ભાવવાહી ગીત!
અંતિમ બંધ બહુ જ સરસ થયો છે!
સુધીર પટેલ.
વાહ મિત્ર!
મજા આવી…આ વધારે ગમ્યું,
આઠે પહોર રાત ને તડકા પડે નહીં,
મનમાં ફૂટેલ વાતના પડઘા પડે નહીં
-અભિનંદન.
સરસ ભાવ અને લયબધ્ધ ગીત લખ્યું છે. ખૂબજ ગમ્યું, ઉઠાવ ઘણો સુંદર છે.
“સાજ” મેવાડા
સપના કહે છે મને સપનામાં આજકાલ,
શું તું મને મળી શકે પલકોની પેલે પાર ?
ખુબ સુંદર ગીત ગાવાની મજા પડી જાય તેવું..જાણે કે સ્વપ્ન પર સ્વામિત્વ હોય તેવી અદાથી સપના કહે છે..
very good……… wonderful words.
congratulations.. i enjoyed seven colors of megh dhanush in these black words
સપના કહે છે મને સપનામાં આજકાલ,
શું તું મને મળી શકે પલકોની પેલે પાર ?
ખુબ જ ગમ્યું !!