પલકોની પેલે પાર

મિત્રો, સ્વપ્નજગતની વાસ્તવિકતાને વાચા આપતું ગીત.

સપના કહે છે મને સપનામાં આજકાલ,
શું તું મને મળી શકે પલકોની પેલે પાર ?

આઠે પહોર રાત ને તડકા પડે નહીં,
મનમાં ફૂટેલ વાતના પડઘા પડે નહીં,
ટહુકાઓ ના કરે અહીં ચૂપકીદીઓ ફરાર … સપના.

ઘૂંઘટને ખોલતી નથી કળીઓ સવારમાં,
ભમરાઓ ડોલતાં નથી અહીં તો બહારમાં,
કલકલ નિનાદ ના કરે ઝરણાંઓ કોઈ વાર … સપના.

ઝાકળનું બુંદ થઇ તને સ્પર્શી શકું નહીં,
ચાતકની જેમ હું કદી તરસી શકું નહીં,
મેઘધનુના ઢાળ પર રહેવું પડે ધરાર … સપના.

– દક્ષેશ કોન્ટ્રાકટર ‘ચાતક’

COMMENTS (9)

શું તું મને મળી શકે પલકોની પેલે પાર ?
વાહ !

Reply

ઝાકળનું બુંદ થઇ તને સ્પર્શી શકું નહીં,
ચાતકની જેમ હું કદી તરસી શકું નહીં,
મેઘધનુના ઢાળ પર રહેવું પડે ધરાર … સપના.

વાહ !

સરસ પરંપરાનુ ગીત, નવી વાક્ય રચના સાથે—
મેઘધનુના ઢાળ પર રહેવું પડે ધરાર…

Reply

સુંદર ભાવવાહી ગીત!
અંતિમ બંધ બહુ જ સરસ થયો છે!
સુધીર પટેલ.

વાહ મિત્ર!
મજા આવી…આ વધારે ગમ્યું,
આઠે પહોર રાત ને તડકા પડે નહીં,
મનમાં ફૂટેલ વાતના પડઘા પડે નહીં
-અભિનંદન.

સરસ ભાવ અને લયબધ્ધ ગીત લખ્યું છે. ખૂબજ ગમ્યું, ઉઠાવ ઘણો સુંદર છે.
“સાજ” મેવાડા

Reply

સપના કહે છે મને સપનામાં આજકાલ,
શું તું મને મળી શકે પલકોની પેલે પાર ?
ખુબ સુંદર ગીત ગાવાની મજા પડી જાય તેવું..જાણે કે સ્વપ્ન પર સ્વામિત્વ હોય તેવી અદાથી સપના કહે છે..

Reply

very good……… wonderful words.
congratulations.. i enjoyed seven colors of megh dhanush in these black words

Reply

સપના કહે છે મને સપનામાં આજકાલ,
શું તું મને મળી શકે પલકોની પેલે પાર ?

ખુબ જ ગમ્યું !!

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)